كنت كتبت موضوع قبل كدة عن تجربتى بعد ما عملت عملية تدبيس المعدة لكل الناس الى بتفكر لسة فى قرار العملية وشايفة ان وزنها كبير والريجيم موش جايب معاها نتيجة انا بكمل الى كتبتة من فترة عن الموضوع دة وبشجع اى حد بيفكمر يعملها بشرط انة يدرس كل خطوة فيها ويختار بدقة الدكتور الى هيعمل العملية طبعا انا دلوقتى والحمد لله بقيت جميلة جدا وزنى اتظبط وخسيت الى انا عايزاة وموش فاضل كتير وابقى وزنى المثالى بالظبط بس طبعا كل الى يشوفنى يقولى خلاص كفاية كدة انتى بقيتى زى القمر كل دة بدعوات والدتى ورضاها عليا كمان رضا ربنا قبل اى حاجة انا موش بدق نفسى دلوقتى لما بنزل اشترى هدوم بلاقى مقاسى بسهولة وبقى ينفع البس حجات عمرى ما كنت افكر البسها انا عملة العملية بقالى خمس شهور لغاية دلوقتى وباكل كل حاجة ما عدا السكريات طبعا منعاها تماما بمعنى ممنوعة وطبعا باكل بس بالعقل موش الى يتحط قدامى اخلصة لا اكل لغاية ما اشبع وطبعا بالنظام دة موش باكل كتير طبعا وفى رمضان نزلت جامد بسبب الصيام على غير العادة من كل سنة كنت بخرج من رمضان اية ماشاء الله حاجة معتبرة وحجم رهيب طبعا الى بيفكر لا يتردد بشرط ان حالتة تكون فعلا مستعصية زى ما كانت حالتى يعنى فعلا يكون صاحب وزن كبير وموش هتكلم واعرفكم قد اية صاحب الوزن الكبير بيعانى لانكم اكيد فاهمين وحاسين ان المرض دة لعين وفى نظرى العن من السرطان لانة بياكل صحتك وعافيتك وثقتك بنفسك وبيعطل حجات كتير فى حياتك من اهمها الارتباط بالزات فى البنات حلم كل بنت فى الزوج الصالح والبيت والاولاد طبعا السمنة بتعطل الانجاب فى بعض الحالات وممكن تسبب مشاكل كتير احنا فى غنى عنها انا حاسة انى بدات اعيش بعد ما كنت خلاص فى عداد الموتى بدات ادخل اى مكان بثقة وعدم خجل من فضلكم مطهبطوش عزيمة الى عايز يعمل عملية زى دى انا عملتها رغم كل الى سمعتة وكان مخوفنى عنها دة علم ربنا سخر ناس وعلماء فى الموضوع دة عشان خاطر ناس تانية بتعانى العملية سهلة بسيطة موش فيها حاجة خالص اهم حاجة ما بعد العملية واخيرا احب اقول انا كان وزنى 130كيلو دلوقتى بقيت 90 كيلو ومازال النزول مستمر فاضل 10كيلو وابقى وصلت للوزن المثالى بالظبط وانا خلتهم 16عشان اروح واجى فى 6 كيلو دول ودة حقيقة موش خيال قربا هنزل صورى قبل وبعد عشان تتشجعوا حتى الى عامل ريجيم يتشجع ويستمر لامى انا بردة عاملة ريجيم موش باكل الا المفيد لان دى صحتنا لازم نحافظ عليها
حبيت اتكلم حبيت اتكلم فتكات حبوبة Fatakat 583592 المنصورة – مصر
سبحان الله و بحمده