السلام عليكم يا رب كل واحدة حامل ربنا يقومها بالسلامة ويرزقها بطفل سليم معافى ويرزق كل مشتاقة يا رب بالذرية الصالحة …الله أمييييين
انا حبيت اكتبلكم تجربتى مع حقنة الضهر ( الأبديورال ) بالتفصيل الممل علشان تعرفو هى اية باظبط ويبقى الكلام بناء على تجربة وليس مجرد سمعت من وحدة والفتاوى العجيبة الى بسمعها عن الحقنة وكأنها بعبع
المهم انا فى البداية أخدتها مرتين يعنى تجربتين من الأخر
اولا تعريفها علشان فى ناس مبتكونش عارفة هى اية حقنة الضهر دى
هى عبارة عن حقنة لتخدير الجزء السفلى من الجسم لعدم الأحساس بالام الطلق عند الولادة ولكن مع بقائك فى استيقاظ تااااااام وبتتاخد فى أخر فقرة فى ضهرك ( تقريبا ) علشان اكون امينة مشوفتيش بس حسة بكدة وومكن تتاخد وانتى نايمة على جنبك او وانتى قاعدة عادى انا جربت الوضعين
وبتاخديها ممكن فى اول الطلق او نص الطلق لكن اخر الطلق مينفعش علشان مش هيكون ليها فايدة وملهاش تاثير
طيب تيجى وحدة تقولى ازاى أخدها وانا بتألم كدة من الطلق أفرض اتحركت ولا أيد الدكتور اتهزت يجيلى شلل بعد الشر طبعا ..هقولها متقلقيش هما بيبقوا مدربين كويس جدا وبيدهولك بين الطلقة والطلقة يعنى بتكونى ثابتة
وحدة تانية هتقولى انها ممكن تجيب شلل ..هقولك معاكى بس بنسبة كام فى المية جالهم شلل وبعدين مهو البنج الكلى ممكن يوقف القلب تماما وممكن متفقيش منة بس بردو بنسبة كاااام ؟؟؟؟ كل حاجة وليها مخاطر هل معنى كدة تولدى وانتى صاحية علشان خايفة من البنج الكلى ؟؟؟
نكمل .. انا فى اول مرة روحت المستشفى مكنش لسة جالى طلق بس الدكتورة قالتلى اولد علشان حجم البيبى كان كبر ولو استنيت اكتر من كدة ممكن اولد قيصرى
المهم روحت وفتحولى كيس المية وادونى طلق صناعى وبدا الألم يشتغل وبعد كدة جة دكتور التخدير وكان راجل ممتاز لأنة كان بيشرحلى هوة بيعمل أية خطوة خطوة لأن انا من النوع الى بيغمى علية من السيرة وشكل الحقن ومبستحملش اى الم
قالى قعدى على طرف السرير وبسند على كرسى ادامى علشان امسك فية لما يجيلى الطلق
وبعدين بيعلق خرطوم على ضهرك كانها كانيولا بس رفيعة اوى واخرها بيثبتها فى المكان الى هيدى فية الحقنة
وبيخدر مكان الحقنة زى دكتور السنان كدة قبل لما يشكك علشان متحسيش بيها وبعدين يدخل الكايولا دى وبعدين يحقن فيها الأبديورال
هتقلولى اية لزمة الكانيولا ميدى الحقنة فى الضهر علطول ؟؟
هقولك علشان كل واحدة وقت طلقها غير التانية لو حب يزود الجرعة ميعودش يشكك تانى ممكن وحدة تقعد ساعتين ووحدة زى كدة تقعد 12 ساعة …وكمان قبل لما تدخلى العمليات بيزود الجرعة علشان متحسيش خالص بالبيبى والخياطة
انا اول مرة قعدت بيها 6 ساعات ومحتجتش ازودها غير وانا نازلة ..لكن تانى مرة علشان قعدت كتير فكانو بيذودوها كل 5 ساعات تقريبا وطبعا انتى مش يتحسى باى حاجة
غير ساعة الحقن هتحسى بسائل بارد وقشعرة خفيفة جدا فى رجلك اليمين او الشمال وبتروح فى ساعتها واول لما رجلك تخدر هتحسى برعشة كأنك بردانة وبتقعد 10 دقايق وخلاص اتغطى فيهم كويس
بعد كدة هينقلوكى على سريرك وتيجى ممرضة تركبلك اسطرة لانك مش هتقدرى تتحركى وبردو مش بتحسى يالأسطرة خالص وتلاقى نفسك عمالة تضحى ومبسوطة ومفيش اى الم … هتكونى طبعا محطوطة على جهاز النبض والطلق وتلاقى الجهاز بيقيس قوة الطلق 100 وانتى مش حاسة بحاجة وعمالة تتضحكى
بتفضلى كدة لحد لما الرحم بفتح وتنزلى الولادة بيكون معاكى دكتور التخدير وبيذودلك الجرعة واول لما تقرب الطلقة بيقلولك علشان تحزئى جامد وبيكون فى دكتورة تانية بضغط على بطنك وقت الحزء علشان تحرك البيبى لتحت واول لما بيخرج بيقلولك خلااص وبتشوفية قدامك
بجد بتبقى احلى لحظة فى الدنيا وبتبقى عايزة تخلصى بقى بسرعة علشان تشوفية وتقعدى ترغى شوية مع الممرضات لحد لما تخلصى خياطة وتطلعى الأوضة بتاعتك
هتكونى لسة متخدرة والبنج هيبدا يفك من رجلك بالتدريج واول لما يروح خالص مش هتحسى بأى ألم من الخياطة غير بعد 8 ساعات وبتاخدى مسكن وبيكون الم عادى لانة جرح سطحى لكن بعد الولادة هتحسى بألم فى بطنك علشان الرحم بيكون بينقبض ويرجع مكانة تانى ودة بردو عادى زى البيريود بس على خفيف
وبعد كدة بتيجى الممرضة تمشيكى براحة لحد الحمام وتاخدى الدش بتاعك وخلاااص ممكن تروحى بيتك ومفيش اى حاجة خالص
انا فى ولادتى التانية اخدها 12 بليل وقالولى قدامك للصبح وقعدت طول الليل اقرأ قران واسبح وادعى ربنا وكنت مستمتعة جدا جدا
لكن المرة دى انا مش عايزة اخدها علشان نفسى أخد ثواب الولادة الحقيقى لأنى بصراحة مكنتش حاسة انى بولد اصلا
وكل واحدة بتفكر تاخدها تستخير ربنا الاول قبل كل شئ ومتخفش من حاجة
وانا واخداها اهو بقالى 6 سنين وضهرى مش بيوجعنى ولا حاجة والى ضهرها بيوجعها بيبقى قلة كالسيوم ووزن زايد ملوش اى علاقة بالحقنة .
طبعا لو حد متخصص وفية حاجة انا مش موضحها يا ريت يفسرها اكتر منى
و
om anas wmalk om anas wmalk 635503_4.gif فتكات متميزة Fatakat 635503 cairo – egypt