السلام عليكم ورحمة الله وبركاته
اولا ازيكم يابنات يارب تكونو بخير وفى احسن حال
تانى حاجة ده يمكن اول موضوع ليا هنا فى قسم البشرة وسبب انى عملته النهاردة اكتر من حاجة
بحب اعرفكم بنفسى اولا … انا مدام حنان خبيرة فرد تشى الامريكى والبروتين
تجربتى حصلت من اول يوم العيد لما قررت انى اخد اربع ايام العيد اجازة واروح الغردقة انا وورلادى
المهم انى وشى واديا اتحرقو
هتقوقو معقولة الشمس بتحرق ؟
اه والله الشمس بتحرق وحرق من الدرجة الاولى والتانية كمان
ناس تقول الشمس بتعمل اكتر من كده وناس تقول حسد
لكن انا بقول الحمد لله على كل حال
المهم انا رجعت من الغردقة رابع يوم العيد وطبعا اول حاجة عملتها انى ادور على دكتور
المشكلة ان معظم الدكاترة كانو واخدين لسه اجازة العيد
فضلت ادور على النت ودخلت فتكات هنا علشان اشوف تجارب البنات ومفيش حاجة فادتنى
لانى كنت بدور على دكتور متخصص حروق وهنا فى مصر معندناش ثقافة ان الحروق مختلفة عن الجلدية
المهم بعد ما حسيت انى تعبانة اوى ووشى واديا بدأو ينفخو ويورمو واحمرار بحرقان مش مستحملاه اضطريت انى اروح لدكتور فى باب اللوق
عمارة كبيرة مليانة دكاترة وهو الوحيد اللى كان موجود
راجل كبير اول ما شوفته قولت بس هو ده اللى هيجيب معايا من الاخر
المهم اول ما دخلت عليه لقيته بيقولى هو بوتجاز هب فى وشك ولا ايه
اول ما سمعت كده عرفت انه مش فاهم حاجة
الكشف بتاعه 150 وكتبلى علاج ب 200 وجيت ابص فى العلاج بعد ما اشتريته لقيته كله لعلاج التهابات الحفضات
فضلت يومين استخدمه ومجبش اى نتيجة بالعكس حالتى ساءت بزيادة
المهم روحت لواحد تانى فى مستشفى كليوباترا الخاصة برضه كشفه 150 كتبلى علاج وبرضه مفيش فايدة
اخر واحد روحتله دكتور رائع ما شاء الله عليه ربنا يجعله فى ميزان حسناته يارب كتبلى حقنه كورتيزون علشان الورم والالم وكتبلى كريم جاب معايا مفعول حلو اوى
اللى كان يشوف وشى واديا يقول خلاص مش هيرجعوا تانى
انا لغاية دلوقتى بتعالج بس الحمد لله على كل حال
———————–
انا كتبت تجربتى النهاردة لسببين
اولا …….علشان ادل اى واحدة ربنا يبتيلها باى شىء وتبقا مش عارفة تروح فين
وخصوصا ان موضوع الحروق ده بيبقا صعب جدا ربنا يعافى الجميع
ثانيا …… علشان اعتزر لكل عميلة كانت حاجزة عندى من خامس يوم العيد
لانى فعلا كنت فى حالة صعبة تمنعنى انى اشتغل خالص
والحمد لله على كل اللى يجيبه ربنا كويس
وكمان عايزة ابلغ كل اللى كان نمرته عندى على الموبايل للاسف الفترة اللى تعبت فيها طبعا الموبايل اوقات كتير مكنش بيبقا جمبى
والظاهر ان حد من ولادى ضغط على حاجة مسحلى كل الارقام
————————————
واخيررررررررا
دى صورة ايديا وقت الحرق
اديا ووشى فى الاول كان لونهم احمر ملتهبين زى ميكونو ملسوعين من الفرن وبعدها ورممو وبعدها بقوا بالشكل ده
اى بنوتة محتاجة رقم تليفون الدكتور انا عنيا ليها
انا مش عارفة صراحة اذا كان ينفع احط رقمه هنا ولا لا
عموما انا رقم تلفيونى فى التوقيع بتاعى اللى عايزة تتصل بيا
وهو اسمه دكتور احمد ندا تخصص جلدية وحروق وليزر وموجود فى وسط البلد
دعواتكم
مدام حنان الصاوى خبيرة فرد تشى مدام حنان الصاوى خبيرة فرد تشى 124281_4.gif فتكات هايلة Fatakat 124281 القاهرة – مدام حنان خبيرة فرد تشى الامريكى حاصلة على شهادة معتمدة من شركة تشى للاتصال 01002017303