السلام عليكم ورحمة الله وبركاته
في حاجه اسمها التاج الملكي
ده بئه التاج المطبخي
هههههههه
المهم ضلع غنم متبل كامل مش متقطع بس تفصلي الاضلاع من فوق علشان يلف معاكي
انا متبلاه قبلها بيوم ببصله صغيره وثلاث فصوص ثوم وملح وفلفل اسود وقرفه وهيل وخل وليمونه وكسبره ناشفه وكمون وبابريكا
نلفه ونربط اخر ضلعين بخيط بس علشان اللفه تمسك ونحط كباية ميه مع اربع مكعبات ماجي بيتي ولو مفيش حطي مكعب واحد ماجي بتاع السوق
لفيه بالقصدير كويس علشان يعرق ويشرب ميتو وخليه في الفرن ساعه ونص الى ساعتين ولو نشفت الميه زيديها المهم اللحمه متحترقش
ده شكلها لما استوت ثلاث ارباع السوا
نرجع ندخلها الفرن بدون غطا علشان تحمر وتتشوي
في الوقت ده اعملي الرز
حمري بصله وفصين ثوم وعليهم نص كيس بسله مثلجه وحطي عليهم مكعبات المرق ومعلقه كبيره قرفه وشوية هيل وشويه فلفل اسود وك***ه ناشفه
انتي تكوني ناقعه الرز انا مستخدمه الرز الامريكي الي حبته تخينه وطويله انا بحب مارك انكل بنز
حطي الرز على البسله وقلبيه معاهم
ضيفي الميه انا حطيت لكل كوب رز كوب ميه لاني ناقعه الرز مده طويله تقريبا 5 ساعات وعلى فكره الرز الامريكي مبيعجنش حتى لو الميه زياده علي على النار لحد ميشربو ومش حيبوظ معاكي
جهزي الحديده علشان تنقلي الرز لما ينشف
نشف بالشكل ده وغطيته وخليته فوق الحديده على نار واطيه
طلعت الظلع او تاج الريش وحشيته من جوه الرز
وانتي بئه اتفنني في التقديم
متنسيش تدعيلي وبعديها تقيمي الموضوع يا جميله انتي وهيه مواضيع هذا القسم برعاية
hisky hisky images/avatars/sunset.jpg فتكات ست الكل Fatakat 108240 العاصمه – الكويت
سبحان الله و بحمده