السلام عليكم ورحمة الله وبركاتهازيكم يا حلوات يارب تكونوا بخير جميعاااا
امبارح عملت كوردن بلو وبيكاتا بالمشروم بس ايه رووووووووووووعة فقلت لازم افرج الفتوكات الحلوات
نبدا بالبيكاتا ونقول بسم الله
نحضر العدة ونلبس لبس المطبخ
ونجيب شوية بانيه من اي فرخة ونقطعهم قطع صغيرة
ومعاهم كوب كريمة لباني من اي جاموسة هههههههههههه
وكمان كوب مشروم من اي عيش غراب
كوبايتين مياه من اي حنفية تقابلك
ملح وفلفل ….. من العلب بتاعتهم هيكون منين يعني
بصلة مفرومة … اكيد هتفرميها انتي
شوية دقيق وشوية زيت او سمنة اللي متعودة تطبخي بيه
وكفاية هزار ونبتدي الشغل
هنتبل الفراخ المقطعة بالملح والفلفل ونغطيها بالدقيق زي كده
ونحط الزيت او السمنة في طاسة ونحط معاهم الفراخ تتشوح على نار متوسطة الى ان تصبح ذهبية اللون
وبعدين ننتشلها من الطاسة ونضع مكانها البصل المفروم الى ان يدبل قليلا نقوم حاطين معاه المشروم لغاية ما لونه يبدا يتغير
وبعدين ننقلهم في حلة اكبر ونحط عليهم كوباية الكريمة وكوباية مية
واول ما يبتدوا يغلوا هنقوم جايبين الفراخ فاكرنها ونحطهم في الحلة الحلوة دي ونسبهم باه بتاع تلت ساعة كده على نار متوسطة او لغاية ما نلاقي الخليط ده تقل
بس على ما يستووا باه اوريكم الكوردن بلو
برده هنلبس لبس المطبخ ونجيب العدة ونبدا شغل
هنجيب كام حتة بانية بس من فرخة تانية علشان عايزنهم سلام مش متقطعين
ومعاهم مية بصل
وملح وفلفل وقرفة
ودقيق وبيضة وبقسماط
وجبنة شيدر ولانشون فراخ وزتون مقطع
وخل ولمون
وفلفل رومي متقطع صغير او مفروم يبقى احسن بس انا مفرمتوش
هنتبل الفراخ بمية البصل والفلفل المفروم واللمون والخل والملح والفلفل والقرفة بالشكل ده
وندخلهم التلاجة عالاقل 4 ساعات
بعد ما يعدوا الاربع ساعات نطلع الفراخ من التلاجة ونبدا في التظبيط
هناخد قطعة بانية ونفردها على طبق ونحط جواها قطعة شيدر وقطعة لانشون وحلقتين تلاته زتون ونلفها رول
ونغلفها بالدقيق بعدين البيض بعدين البقسماط ( انا بحط على البقسماط شوية كورن فليكس مطحون وشوية خلطة يرست حراق بيبقى مقرمش جدااااااااااااا وطعمه واااااو )
ونقفلها بالخلة
ودي صور توضيحية لمراحل العملية ههههههههههههه
بعد ما نخلص الكمية بتاعتنا هنحطها في طبق ونغطيها بكيس وندخلها الفريزر بتاع نصاية كده
وبعدين نطلعها ونحمرها في زيت كتير وعلشان تستوي من جوه وتبقى مقرمشة من بره اول ما الزيت يتقدح نحطها فيه وبعدين نوطي خاالص
ونسويها من ناحية ونقلبها عالناحية التانية تستوي لغاية ما تبقى لونها دهبي فاتح نعلي على الزيت تاني علشان تتحمر
وده الشكل النهائي لليلة كلها البيكاتا لسه فاكرنها ؟؟ والكوردن بلو وكمان عملت معاهم مكرونة اسباجيتي وبطاطساية محمرة كده لزوم المكرونة
ودي اقل حاجه عندي على فكرة
ها ايه رايكم في حلاوتي وشطارتي مواضيع هذا القسم برعاية
OverSeas OverSeas فتكات هايلة Fatakat 586014 القاهرة – مصر