انا عملت الموضوع رغم اني نفسيتي مش تسمح
لكن حبيتكم تدعولي ان ربنا يفك كربي ويسر امري
ويجمعني علي ضالتي
دا موضوعي الثالث في الكرنفال هيكون عن بيتزة التونه ان شاء الله
ودا الاول والثاني
1_ القرص الفلاحي بالتفصيل ياجمال اكل الريف( كرنفال فتكات )
2__ العيش البلدي الخطير للفطار والسحور ياجمال اكل الريف ( كرنفال فتكات )
البيتزا تصلح لفطار خفيف ف رمضان في يوم تكوني عايزه ترتاحي من الطبيخ وكده كده الصايم ااقل حاجه بتشبعه
وممكن فطار لاولادك يفرحوا بيها يوم اجازه او ياخدوها المدرسه بدل الساندوتشات
نشوف الاول صورة البيتزا
اولا مقادير العجينه
كيلو دقيق
نص كوب زيت
ملح
باكو خميره
ومعلقتين لبن نيدو اختياري
ولبن للعجن
بتعجن عجينه متماسكه لا تلتصق باليد ونتركها تخمر في مكان دافئ ليتضاعف حجمها زي الصوره
مقادير الحشوه اختياريه
واحنا حبينا نجرب التونه وطلعت تحفه
علبتين تونه بنصفيهم من الزيت
فلفل مقطع متشوح ع النار
طماطم متقشره ومتقطعه
بصل جوليان متشوح ع النار
طبعا زيتون
جيبنه شيدر
صلصه عليها بهارات اختياريه زي ما تحبي
احنا بنحط عليها ملح فلفل زعتر شطه كاري وكده
وممكن نضيف للبصل والفلفل والطماطم بهارات مشكله
بديل الصلصه الكاتشب
صورة المكونات للحشوه
هنجيب العجينه نقطعها قرص حسب الرغبه
ونفردها مربعه او مدوره زي ما تحبي بسمك متوسط
وننحطها في صنية الخبز المدهون
ونخرمها بشوكه خطوه مهمه لازم نخرم العجينه عشان ممش ترتفع
وندهن صلصه زي الصور
ونحط بعد الصلصه التونه وبعدين فلفل وطماطم وبصل وف الاخر الجيبنه الشيدر لو عندك موزريلا طبعا افضل
نرش الجبنه
ونسيب البيتزا عشر دقايق
وندخلها فرن حامي مسبق التشغيل
ع درجة 180تقريبا
نحط اتنين لما الي تحت قعرها يصفر
نطلعها فوق وننزل التانيه
دي شكلها لما طلعت اسفه مصوره ف المطبخ الصور مش واضحه
صورتها من الجنب
يارب يكون موضوعي عجبكم
ومش تنسوا الدعاء امانه يا فتوكات
ولكم بالمثل واكثر
مواضيع هذا القسم برعاية
شروق وجدي شروق وجدي 437493_6.gif برنسيسة فتكات Fatakat 437493 دسوق كفر الشيخ – مصر