ازيكم يااحلى البنات
وصفتنا اليوم عن البيتزا
كلنا بنمووووووووووت فيها بس بتحسيها تقيله ماديا الموتزاريلا غاليه ومش بتكفى العدد اللى عايزه تعمليه
انا بقه حوريكى البديل والطعم زى ما قولنا خطيييييييير
العجين بتاع البيتزا
ودى طريقه اخدتها من القمر الداعيه ربها ربنا يكرمها
3 كوب دقيق
2 معلقه حليب بودر
زره ملح
معلقه بيكنج بودر
وانا ضفت رشه زعتر بتخلى البيتزا واوووووووو دى فى العجين وكمان حنحط على الوش
كيس خميره فوريه بتدوبيها فى نص كوب ماء دافى ومعلقه كبيره سكر
وسيبيها لما تخمر وتفور
ونص فنجان زيت
واعجنى كويس يافتوكه
وسيبيها فى مكان دافى او سخنى الفرن بسيط وحطيها فيه لحد ما تتضاعف الحجم
الحشووووووووووو الخطير
الفكره استمديتها من موضوع الداعيه ربها فكره القشطه
بس انا اضافت فكره بسيطه
تخلى الموضوع احمدى يعنى لميزانيه معقوله
حنحط معلقتين كبار قشطه لو مخزنه قشطه اللبن طلعى منها معلقتين
ومعاها حتت جبنه بيضاء وبشر جبنه رومى
وفنجان لبن اظن مفيش ارخص من كده
اهم
معلش مصورتش اللبن لبن حليب اوكى
ونخلطهم كويس جدا مع بعض
ونبدا نفرد العجين ونخرمها عشان
متقبش ولازم نعمل ليها حدود فى الاطراف عشان الجبنه متلزقش فى الصينيه
وانصحكم بالصينيه دى اسمها صينيه البسبوسه
انا لقيتها بالصدفه ب 10 جنيه اه والله بس حقيقى روووووووعه
ونصب الحشو عليها
وهنا انا ضيفت بسطرمه على الحشو ممكن انتى تضيفى اللى يعجبك
اول ما نلاقى الحروف احمرت شويه يبقى كده خلاص نطفى الفرن ونشغل الشوايه على الوش
اهى خلصت وبقت عااااااااااال
وزووووووووووم
وكمان الطبق ده للى حتقييم
مممممممممم والله يابنات كانت روووووووووووووووووووعه وابقو قابلونى لو اشتريتو موتزاريلا تانى لان طعم الجبن البيضاء والرومى فوووق الفظيع
جربوها وتعالى امسكو فى خناقى لو طلعت وحشه ههههههه ولا اعرفكو هههه لا بجد هااايله
واوعى ياشابه منك لها تنسى التقييم هااااا
مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره