السلام عليكم ورحمه الله
ازيكم يااغلى صحبه
اولا عايزه اشكر كل الفتوكات اللى فرحونى بمشاركاتهم وتقيماتهم للموضوعين بتوعى فى مدونة الطبخ
والحمد لله انهم نالوا اعجابكم وفيه بنات طلبت منى تصوير الخطوات لطبخ الفراخ بطريقه صحيه مسلوقه ومشويه وشوربتها خيااااااااال بجد ودا لينك الموضوع الاول والتانى للى يحب يشوفهم
https://fatakat.univanet.com/#3926380
https://fatakat.univanet.com/#3926380
يلا من غير رغى كتير ندخل الصور وان شاء الله هى هتوضح نفسها
طبعا بعد ما غسلنا الفرخه كويس جدا بالملح والدقيق والليمون وتبلتها بإيدى بملح وفلفل اسود
هنحط الحله ع النار والزيت ونشوح البصله الصحيحه
وطبعا هأكد تانى ان البصل مش تاخد لون غااااااامق ونضيف ذره قرفه وكركم وفلفل اسود
هنا خلاص شوحنا الفرخه وقلبناها من فوق وتحت وبرده مش تاخد لون غامق
ونضيف ورق اللورا والحبهان ولو فصوص افتحيه بالقص
هنبدأ نضيف البصل المفروم المضاف له الملح فوق الفرخه
ونهدى النار عليهم خالص تلت او نص ساعه والبنات اللى استغربوا انى مش بضيف ميه وخايفين لتلزق منهم ممكن بعد خمس دقايق من اضافه البصل تزودى نص كوب ميه عشان فيه حلل بيلزق فيها الاكل
هنا بعد تلت ساعه والصوره مش موضحه وجود ميه تحت الفرخه من البصل والفرخه نفسها
وهنا خلاص بعد اضافه الميه شايفين لون الشوربه جميل ازاى
يتبع
مواضيع هذا القسم برعاية
ommomen02 ommomen02 سوبر فتكات Fatakat 561178 بلد الامل – مصر