ده كان موضوعى امبارح
https://fatakat.univanet.com/#2710232
اللحمة شاطت وشوربتها نشفت
بصراحة الفتوكات كفو ووفوا الصراحة نصايح وبستفة الحمدلله
المهم ربنا رزقنى بموضوع واحدة كانت عاملة خضار صينى
مخمخت وقلت وايه يعنى ضربو الاعور على عينه قال هى اصلا شاطت
ههههههههههههههههه
بصوا باءة
جبت كوسة وبشرتها وجزر وبشرته وحبة فاصوليا وحبة وردات بروكلى وبصلاية كبيرة وقوطاية قطعتهم شرايح وفصين توم
في طاسة حتة زبدة وشوحت الخضار باتتيب ده
بصل وتوم
فاصوليا
بروكلى
جزر
كوسة
قوطة
لحد مادبلو كده سوا وبعدين حطيت اللحمة اللى اتسلقت بعد ما قطعتها
وسقيتهم صوصي المخصوص ( معلقتين باربيكيو صوص -ملاقتش عندى صويا صوص- وعليهم معلقة كبيرة عسل نحل-ومعلقة نشا وبهاراتى المخصوصة – فلفل اسود وملح وكوب ماء مغلى)
ودلقت الصوص ده عالخضار واللحمة وسيبتهم يشربوا من بعض
لحد مالخضار استوا
وعملت رز ابيض معاهم
ولما عجبتنى الفكرة قلت اعيدها انهردة بس
بس بالفراخ باءة
وطبعا تحفة
وبس خلاص
يارب تعجبكم وتقيموها على زوقكم
والى لقاء جديد مع افتكاسة جديدة من ماما ميوى
مواضيع هذا القسم برعاية
ماما ميوى ماما ميوى 133818_1.gif سوبر فتكات Fatakat 133818 القاهرة – مصر