السلام عليكم
أخواتي العزيزات بعد معاناتي لسنوات من الوزن الزايد ومحاولاتي الفاشلة في فقدان الوزن وممكن كنت بمشي على نظام كيميائي وساعات تخفيف ولما انزل 2 او 3 كيلو ارجع أكل تاني وأكتر من الأول وكتيييير كنت بفشل في محاولات فقدان الوزن ويا سلام لما اروح أشتري لبس اروح ادور على محلات الاوزان التقيله 3 أكس لارج او لما يعجبني موديل وأسال البياع الي في المحل يقوولي معلش حضرتك مافيش مقاسك كنت بجر ديول الخيبة معايا وانا خارجة من المحل والدنيا تضيق بيا واضطر ألجا لمحلات الاوزن التقيلة ده غير طبعا طلوع السلم وقد ايه كنت بنهج ووجع الظهر ولما الواحد يجي يصلي ابقا بسند على حاجه عشان أقوم من السجود وده كان بيتعبني وبيضايقني في نفس الوقت فقررت بعد محاولاتي الكتيرة اني اروح لدكتور كانت أحتي نزلت معاه 50 كيلو في 8 شهور فعزمت النية وقلت اروح الدكتور اجرب معاه يمكن لما الواحد يتلسع في الفلوس غصب ان عنه هيتابع معاه وقد كان انا عارفه اني طولت عليكم شوفوا يا بنات انا كان وزني 116 كيلو وده من 3 شهور والحمد لله دلوقتي بقا وزني 95 ولسه مستمره انا هنزلكم مراحل الريجيم الي مشيت عليها مع الدكتور عشان الي عاوز يستفاد منها زي ما أنا أستفدت في الفترة الاولى من الرجيم موش مهم الرياضة .
المرحلة الأولى لمدة أسبوعين :
– يرجى الوزن قبل بداية الريجيم
1- اول ما تصحوا من النوم : نسكافية بلبن ومعلقتين سكر
2- الفطار بعد ال ساعه 10:30 : 4 توست أسمر + 2 شرائح جبنة دايت أو 2 معلقة لبنة أو 2 شريحة تركي مدخن + شاي بسكر دايت او 1 بيبسي دايت
3- الغدا : (أختيارات) من التالي
– 2قطعة جبن ابيض بحجم الجبنة الكيري + سلطة بخل وليمون
– كوب ذرة + سلطة بخل وليمون
– 1 شوكولاته سنيكرز + بيبسي دايت
4 – كوب نسكافية بلبن ومعلقتين سكر
5 – العشاء : نفس الفطار أو عكس الي هتأخديه في الغداء يعني لو خدتي ذرة وسلطة تأخدي في العشاء شوكولاته + بيبسي دايت
ملاحظه : شرب كبايتي مايه قبل الأكل / الوزن كل أسبوعين وليكي يوم فري في نهاية الأسبوع التاني تأكلي فيه الي أنتي عاوزاه انا كنت بعد ما أرجع من عند الدكتور كنت أكل كل الي انا عاوزاه .
أي أستفسار أنا مستعده للرد على الأسئلة
OM_OMER OM_OMER images/avatars/yellowflower.jpg فتكات نشيطة Fatakat 270830 الفروانية – الكويت