السلام عليكم ورحمة الله وبركاته
ازيكوا يا فتوكات
طبعا انتوا اول ناس بشرتونى انى حامل وقلتولى اعمل ايه
وطبعا ﻻ تتخيلوا الفرحة اللى كنا فيها انا وجوزى وحماتى ومامتى واخواتنا
اقولكوا على اللى حصل من بعد ماعرفت انى حامل
بعد ما عملت تحليل الدم بكام يوم روحت لدكتورة كشفت عليا وقالتلى كله تمام
وسألتنى فى دم او افرازات قولتلها ﻻ الحمد لله
قامت كتبتلى على فوليك اسيد ولبوس سايكولجست مثبت
سألتها مثبت ليه قالتلى كده احسن قولت ماشى وقالت بعد اسبوع هانعمل سونار
روحتلها بعد اسبوع وعملت السونار وطلعت حامل فى ست اسابيع ويومين وكيس الحمل موجود وكلة تمام بس لسه النبض ماظهرش تعالى بعد اسبوع كمان يكون النبض ظهر
روحتلها بعد اسبوع وعملت سونار قالت مافيش نبض والنمو وقف على 6 اسابيع
قالتلى وقفى المثبت ﻻن كده فى حاجه مش مظبوطة ونستنى اسبوع تانى ونشوف اذا نزل كان بها لو مانزلش هانشوف هانعمل ايه
انا وقفت المثبت بقالى اسبوع وروحت امبارح عملت سونار فى مستشفى تانية الدكتورة قالتلى كيس الحمل حجمة كبير بس فاضى
وقالتلى انى حامل فى 7 اسابيع يعنى حصل نمو للكيس
وقالت اشربى حاجات سخنه واعملى مجهود عشان ينزل ولو مانزلش هانعمل عملية وقالتلى الحاﻻت دى بتحصل للعرايس اللى بيلقطوا بسرعه بعد الجواز
انا بقى محتارة اعمل ايه استنى يمكن النبض يظهر وﻻ مافيش امل
طبعا جوزى مضايق ومش عاوزنى اشرب اى حاجه وبيقولى نستنى يمكن يظهر بعد اسبوع او اتنين
بالله عليكوا فيدونى اعمل ايه انا محتاره
استنى وﻻ اتوكل على الله وابدأ اشرب الحاجات السخنة واعمل مجهود
rona_smsm rona_smsm 249268_2.gif فتكات متميزة Fatakat 249268 جدة – المملكة العربية السعودية – مصر
سبحان الله و بحمده