بسم الله الرحمن الرحيم
فتوكاتى وحشتونى يارب تكونوا بخير دائما
بقالى فترة كبيرة ما نزلتش وصفات دايت بس نعمل اية بقى النفسية وحال البلد ربنا يصلح حالك يا بلدى يارب
بطاطس ودجز طبعا معروفة قوى فى المحلات زى بيتزا هات
وهى بطاطس مسلوقة وفى الفرن
هقول طريقتى
المقادير: 4-5 بطاطس صغيرة الحجم + توابل (ملح+فلفل +زعتر) + معلقة كبيرة زيت عباد الشمس او زيت زيتون
الطريقة :1- تغسلى البطاطس كويس جدا لانها هتفضل بقشرها و تقطعى البطاطس اربع تربع كانها برتقالة كدة اربع تربع وبعدين تسلقى البطاطس فى ماية على النار
2-بعد السلق تجيبى صينية وترشى زيت عباد الشمس كانك بتبطى الصنية ويا سلام لو بفرشة سليكون
وبعدين ترصى البطاطس وبعدين ترشى التوابل كويس وبعدين ترشى معلقة الزيت الكبيرة على البطاطس كلها و يا سلام لو عندك اسبراى الزيت او زجاجة الزيت علشان تعرفى تتحكمى فى الكمية وبعدين فى الفرن تحت الشواية نص ساعة وفى النص قلبيها وبالهنا والشفا
وبس اية رأيكم
هتبقى مقرمشة وناشفة من برة كانها مغلفة وطرية ولذيذة من جوة …جربيها هتعجبك بجد
وما تنسنوش تدعولى بالصحة والستر والرزق وحسن الخاتمة وان يفرج الله كربى ويشرح صدرى يارب ويفرح قلبى
لمزيد من الوصفات
https://fatakat.univanet.com/#3605219 مواضيع هذا القسم برعاية
المستبشرة خيرا… المستبشرة خيرا… 96734_8.gif سوبر فتكات Fatakat 96734 مصر – الجيزة