بسم الله الرحمن الرحيم
اللهم صل وسلم وزد وبارك على سيدنا محمد
أخواتي الحبيبات .. النهاردة جايبلكم
بربون مقلي مع قاروص صينية وارز بالخلطة
وصفة بسيطة وخفيفة وما اخدتش معايا وقت خاااالص
بسم الله توكلنا على الله
اول حاجة طبعا بعد تنضيف السمك كويس وغسله
هنتبله
ب
ليمونة مقشرة +8 فصوص ثوم+قرن فلفل+فنجان خل+2 م زيت+م ص كمون+ ملح+بابريكا حلوة .. في الخلاط
وده لكل كيلو تقريبا حسب الكمية اللي عندك بقى
وتتبليه من قبلها بيوم في الثلاجة
وده شكله اهو
بعد كده ساعة السوا هنبدأ نجهز الصينيه
هنقطع شرائح
بصل + فلفل ألوان+ فلفل أخضر+ طماطم
وعلى فكرة .. لو بعد ما قطعتي البصل شرائح رشيتيه بفلفل أسود وقعدتي تدعكي فيه كده هتلاقيه بقى ريحته وطعمه جنااااااااااان
تحسي انك هتاكليه ني
اعملي كده للبصل وبعد كده ضيفي عليه باقي الخضار + ليمون مقطع وحطي السمك وقلبي الخلطة عليه
بعد كده رشة زيت
بالشكل ده
وبعد كده نغطي بالفويل وعلى شبكة الفرن المتوسط نص ساعة
نيجي لتاني صنف ان شاء الله وهو البربون المقلي
طبعا هو اتتبل اصلا من بالليل او عالاقل ساعتين في الثلاجة
هنحطه فدقيق
وبعد كده ميه
واقلي في زيت غزير ساخن
وكلي احلة سمك متبل ومقرمش ومن غير تقلية السمك اللي بتتعب المعده
** بحب بعد اما اطلعه ارش ملح وكمون واعصر عليه ليمونه تاني
بيبقى رااااااااااااااااائع
الأرز
هتقطعي في الكبة
بصل+طماطم+فلفل+ثوم
وتحطي الزيت في الحلة وتنزلي بيهم عليه
اول ما الزيت يطلع عالوش
حطي
ملح+فلفل+بهارات سمك+كركم+قرفة+زنجبيل
وحطي المية او لو عندك شوربة جمبري
ولما تغلي حطي الرز المصري المغسول
وده شكل الطبق النهائي وبالهنا والشفا عليكم جميعا يا حبايب قلبي
ولمزيد من وصفات الأسماك والجمبري
شوفي موضوعي ده
عزومة الأسماك الملكية .. من أم جنة المصرية
https://fatakat.univanet.com/#3668074
مواضيع هذا القسم برعاية
أم جنة المصرية أم جنة المصرية 755428_3.gif فتكات رائعة Fatakat 755428 اسكندرية – مصر