اذيكم ياقمرات اخباركم ايه يارب تكونوا بخير طبعا بعد ما اتثبت لى موضوعين الاسبوع ده وبعد تشجيعكم ليه قلت لازم اجيب ليكم وصفتى الرهيبه لعمل الزيتون المخلل والطريقه ديه سهله جدا وطبعا عارفين ان الزيتون دلوقتى متوافر فى السوقونبدا باسم الله ونشوف صوره للتشويق الاول
المقادير
3كيلو زيتون اخضر تفاحي
1/2 كيلو فلفل شطة
1/2 كيلو ليمون
كوب ليمون معصور
قشر الليمون المعصور
برطمان كبيرللتخليل
كيس ملح
زيت ذرة للوش من فوف الزيتون
خل ابيض
او حاجه حنختار الزيتون اللى انتى بتفضليه سواء كان النوع الصغير او الكبير اى كان لازم يتشق بالسكينه شقوق علشان يتخلل بسهوله واللى مش عايزه تشقه ممكن يطول فى السوى كتير
اول شىء الزيتون اللى جبته
وهنا لما شقيته بالسكينه ولو فى اى وحده تالفه اتخلصى منها يعنى كله سليم ومشقوق بالسكين
بعد كده حننقع الزيتون فى المايه يومين او تلات ايام علشان المرارة بتاعته تروح لانه مر مع تغير المايه مرتين باليوم وده شكله بعد النقع
بعد كده هو جاهز للتخليل حنشطفه كويس ونبدا بتجهيز اللليمون المعصور واللليمون المقطع والخل والفلفل القرون نغسله كويس والفلفل الاحمر هو اللى بيدى الطعم الروعه للمخلل والملح ونبدء
حنجيب حله ونحط فيها الملح والخل وعصير الليمون والمايه وندوبهم ونسبهم على جبب
بعد كده نجيب الزيتون نرصه بالبرطمان مع طبقه فلفل الاحمر وقرون الفلفل و الليمون المقطع وهكذا لغايه الكميه ماتخلص وبعدين نجيب المايه باللملح والخل والليمون المعصور ونضيف براحه على البرطمان اللى مليان بالمخلل
وده شكله بعد الماخلصنت الكميه كلها
بعد كد جيبت قشر الليمون اللى عصرته وخلته فوق الزيتون وعلى الوش ضيفت طبقه زيت علشان الهوا ميدخلش عليه ابدا
وهنا بعد ماانتهيت من التخليل ونقفل البرطمان كويس جدا ومنفتحش عليه قبل اسبوعين ولو الزيتون كبير حيطول ويبقى تلات اسابيع
طبعاشكل الزيتون بيتغير لما يستوى
وده شكله بعد ما بقى جاهزززززو طبعا طعمه رررررروعه بشهاده الناس اللى اكله منه واحلى من الجاهز الف مرة ومضمون جدا وطبعا لما بعمل البيتزا مش بشترى وبستخدمه وده بيوفر كتير وطبعا من الاضافات اللى ممكن تضاف بشر الجزر وبيتضاف على الخلطه بتاعه الفلفل وممكن الكرفس وممكن توم اي حاجه من ديه ممكن اضافتها على حسب زوقك
لو عجابكوا الموضوع ادعولى دعوة حلوة وطبعا عايزة اسمع رودكم الجميله ومتنسوش التقييم ياقمرات
مواضيع هذا القسم برعاية
اميرة الجارجى اميرة الجارجى 166440_8.gif سوبر فتكات Fatakat 166440 القاهرة – مصر