ازيكم يا بنات
خلاص العيد خلص ومحسناش بيه خالص
ربنا يصلح حال مصر اللهم امين
النهاردة جيبالكم الباذنجان المخلل
وانا عارفة انكم هتكسفونى وهرجع ايد ورا وايد ادام وكنت باجل فى الموضوع دة كتير اوى وبدعى انة يعجبكم وتقيمواااااااا ♥♥
والله يا فتوكات يارب تقدروا التعب المبذول فى الموضوع وتقيموا بالله عليكى مش هتخسرى صوبع ولا حاجة
معلش رغيت كتير
هنكتب كل حاجة بالتفصيل الممل
1/2 كليو باذنجان من الرفيع دة بتاع الحشو دة وياسلام لو كان قصير وقوزعة كدة ياة هو دة المطلوب بالظبط
-مياة سخنة حوالى 1.5ليتر للى عندها غلاية كهربائية واللى معندهاش هتملى حلة الا شوية مياة وتسيبيها تسخن
حشوة الباذنجان
3معالق كبار كمون وزودى زى ماتحبى
2معلقة ملح
4ليمونه
فلفلاية كوبى واحدة خضراء
1.5فلفل اسود
2معلقة صغيرة ثوم مهروس
(لو الليمون خلص من عندك استبدلية بالخل بس على الاقل يكون فى الخلطة لمونتين حتى )
ندخل فى المهم دة الباذنجان وطبعا هو طويل اوى اللى لقيتة فقطعتة لنصين بالشكل دة
ياريت يا بنات الشغل يكون بسرعة علشان ميسودش منك انا يادوب مسكت الموبايل علشان اصور شايقين اسود شوية ازاى ودة علشان الحديد اللى فية بيتفاعل مع الهوا والاكسجين اللى فية سبحان الله
هنا حطيتة فى كروانة وفيها مياة ولازم المياة تكون مغطية الباذنجان علشان اية ؟صح علشان مش يسود
وهنا صورة من قريب
زى ما انتم شايفين دول لتر ونص مياة على قد الباذنجان وطبعا كل واحدة وحجم الحلة اللى عندك وحجم الباذنجان اللى عندك بتعايرى المياة على اساسة واقولك على حاجة هتوفرلك كتير حطى الباذنجان الاول وبعدين حطى فوقية المياة السخنة علا طول وشوفى هياخد اد اية وطبعا هنصفية من المياة الاولانية اللى كانت فيـه
هنا المياة بتغلى شايفين ازاى كدة خلاص قدامة دقيقتين ولا حاجة ويطلع هو اخد معايا بالظبط 7 دقايق طيب هتعرفى انة خلاص خلص ازاى ؟هتجيبى سكينة وبراحة هتحطيها فى واحدة لو لقيتيها طرية من جوة خلاص كدة تمام
هتطلعيها وتصفيها فى مصفاة كويس من المياة وتسيبيها ترتاح علشان تعرفى تشتغلى بيها من غير ما تلسعك
انا هنا فردتهم كلهم على صينية وبالسكينة الصغيرة ويستحسن تكون مش مشرشرة علشان متهريش الباذنجاناية وبراحة خالص تفتحيها من النص
صورة اقرب
الحشوة
زى ما انتم شايفين البهارات ملح فلفل كمون وفلفل اخضر متقطع صغير اوووووى علشان يدخل فى الحشوة والليمون وفية ثوم بس نسيت اصورة معلش انا هنا كان عندى 3 ليمون بس بس مستسلمتش اخدت 2 فى الحشوة وحطيت معاهم شوية خل
ودية صورة قريبة للفلفل علشان تشوفى متقطع ازاى
وديه الحشوة لما خلصت وقلبتها كويس مع بعض ماتتخضيش هى لونها غامق علشان الفلفل والكمون اللى فيها وعلى قد ما تحبى حطى ليمون ومتخافيش هتطلع لذيذة
دية لما حطتلها الحشوة
ومش نكتر فى كل واحدة اوى علشان ميطلعش طعمها قوى وعلشان تكفى الباقى وعلشان تعرفى تمسكيها وانتى بتاكلى
اقرب
وديه صورة اقرب واوضح ليها
نكمل فى المشاركة الجاية اهم التكات والخطوات النهائية وشوية نصائح
تابعينى ومتنسيش التقيييييييم
مواضيع هذا القسم برعاية
samaa el eslam samaa el eslam 442221_15.gif فتكات رائعة Fatakat 442221 اسكندرية – مصر