جمعة مباركة على احلى بنات فى احلى مدونة وحشتووووووووووووونى يافتوكات
النهاردة هاعملكم طبق تحفة ولادى وجوزى بيموتوا فيه وكلوا فوسفور
(طاجن لسان عصفور بالجمبرى والسيبيا)
شكله يجنن امال طعمه بقى واووووووووووووو
جمبرى وسيبيا متقطعة مكعبات
ملح وفلفل وبهارات وكمون وجوزة الطيب
زيت زيتون
طماطم مكعبات وفلفل اخضر مكعبات
بصل متقطع ناعم وثوم مفروم
شطة حمرا
بقدونس وكسبرة خضرا وشبت
2 كيس لسان عصفور حسب عددكم
اول حاجة نحمر لسان العصفور فى شوية زيت زيتون صغيرين وبعد مايتحمر نضيف له شويه ميه صغيرين ونتركه لحين تحضير باقى المكونات
ده لسان العصفور بعد ماتحمر
بعد كده هاتجيبى البصلة والتوم المفروم وتدبليهم فى زيت زيتون شويه صغيرين
وبعد كده هاتضيفى الطماطم والفلفل والبهارات والخضرة وتتركيهم 5 دقائق على النار وبعد كده تطفى عليهم
ده البصل بعد مادبلته شوية وضيفت له المكونات
بعد كده هاتجيبى الطاجن وتكونى فتحتى ظهر الجمبرى وشلتى منه الخيط الاسود وغسلتيه كويس جدددددددددددددددا انا باغسله بالملح والليمون هو والسيبيا وانقعهم شويه وبعد كده باغسلهم بالماء كويس قوى واصفيهم فى المصفاه
وتضعى المكونات كلها على بعضها لسان العصفور والخضار والجمبى والسيبيا وتلخبطى كله على بعضه وتغطيهم بالماء وبعد كده تغطى الطاجن بورق فويل ويترك فى الفرن من نص ساعة لساعة الا ربع لما يشرب ميته تشيلى الورق وتتركى الوش يتحمر
ده شكله بعد ما لخبطه وحطيته فى الطاجن
وده شكله النهائى بعد ماطلع من الفرن ايه رايكم بقى طعمه تحفففففففففففففففه جربوه وادعولى انا وزوجى واولادى بتيسير الاحوال والصحة والستر
مواضيع هذا القسم برعاية
بناتى وجوزى كل حياتى بناتى وجوزى كل حياتى 482905_22.gif سوبر فتكات Fatakat 482905 مدينة احن زوج فى العالم – مصر