السلام عليكم يا احلي فتوكات في الدنيا انا ان شاء الله عروسة بعد ايام وحابة اقولكم تجربتي في التجهيزات دلوقتي وقبل الفرح لانها جحاجات مهمة وان شاء الله تستفيدوا انا كان مرجعي الاول هو مامتي وطبعا فتكات وصحباتي البنات اللي اتجوزوا عن تجربة أولا صحتك يا عروستنا
اول حاجة وقبل متفكري تشوفي الوصفات للبشرة وشعرك والكلام دة كلهاهتمي بصحتك ..طبق السلطة اساسي ومكملات غذائية لو عندك انيميا او بتشتغلي وبتبذلي مجهود كبير في الشغل واللف والجهازانا اتخطبت سنة وكم شهر .واول حاجة عملتها بعد الخطوبة والاستقرار النفسي بعد معرفة طباع خطيبي هو كشفت عند دكتورة نسا وطبعا والدتي كانت معايا كنت عايزة اعمل فحص الزواج بحق وحقيقي مش الورقة اللي بتاخديها علشان القسيمة عملتلي سونار واطمنت ان مفيش تكيس والحمد لله وتحاليل .وكله للاطمئنان علي صحتك وبالمرة لو فيه حاجة تعالجيها .اكتشفت ان عندي انيميا حادةفنصيحة مني متأخريش الخطوة ديتاني حاجة لو مش بتعملي سويت في المنطقة اياها زيي وزي بنات كتير امهاتهم مش بتوافق .علي الاقل استخدمي غسول امن .انا جربت سيتال وتحفة وخصوصا ايام البريود .علشان البكتيريا والفطريات وكان بيجيلي حكة حاجة مهمة قوي باردو انصحك بيها ..دكتور الاسنان .لو عندك جير بيتشال وسهل وبيفرق في شكل سنانك .وشوفي بالمرة لو عندك اي دروس محتاجة حشو او فيها تسوس .اكتشفت عندي 2 مسوسين ومش بيوجعوني ..متستنوش مرحلة ان السوس يوصل للعصب ويوجعك وتجري علي الدكاترةالدكتورة نصحتني باستخدام مضمضة مرة في اليوم .لو بتاكلي شطة وبتحبي الجو دة .تقيكي من التهاب اللثة وفي نفس الوقت بتخلي ريحة بقك حلوة .ومش غالي العلبة بجنيه ونص والبدايل بتلاتة جنيه يعني حاجة بسيطة خالصواتعودي عليها من دلوقتي علشان في بعد الجواز ان شاء الله يفضل ريحة بقك حلوة ومتخافيش تصحي من النوم وبقك لا سمح الله ريحته مش لطيفة Jهو مضمضة وغرغرة في نفس الوقت اللي بجنيه ونص اسمه citrolin-fولونه احمر والتاني اخضر اسمه" تانتم أخضر "ايه كمااااااااااااان والله الكلام اللي بقوله دة المفروض نعمله دوريا بس بنكسل ..والجواز بييجي يفوقنا Jتاني حاجة يا قمرات اللبس اللي مجننا انا كنت يبساعد البيت في جهازي لاني بشتغل فقلت لماما هجيب اللبس لنفسي وقد كان ودة خالاني حريصة اني مشتريش اي حاجة تعجبني لمجرد ان شكلها حلو وممكن مش تنفعني وثانيا بقيت الف وادور .مش افتريت يعني فنصيحة مني يا بنات ارفقوا بأمهاتكم وابهاتكم وبلاش الاعداد المكوكية اللي بسمعها والله العظيم انا بستحرم وحطي نفسك مكانهم .لو انتي اللي دافعه الفلوس دي هتشتريها والا هتقوللي لا واوعي تبصي لحاجة حد او تقلديهحكي لكم عن صحبتي .اتجوزت من خمس شهور .وكان ليها اخت متجوزة قبلها وكانت تقول لمامتها انا عايزة زي اختي ..وتخلي مامتها تجيب اعداد ودست مع ان البنت صحبتي دي هتتجوز في القاهرة واللبس دة مش هينفعها ولا هتقعد في بيت عيلة ..بس ازاي ومامتها وبابها جابوا لها والاخر بتقوللي يا ريتني اللبس مركون مش بلبسه اللانجيرهات حلو وكل حاجة وتحسي ان الحاجات اللي مكانش ينفع نتكلم فيها او نبص عليها بقي من حقنا وكمان نروح نختار ونشتريها ..تمام كل دة يا قمراتبس بلاش افترا احياااااااااااااات ابوكو Jانا في الاول كنت انزل اجيب علي ذوقي .حلو .واركن وفي الاخر قبل الجواز اهو فاضلي عشر ايام .خطيبي بدأ يلمح لي علي الوان معينة وكدة وحاجات افهم ذوقه ..مش اللي انا جايباها خاااااااااااااالص وتقريبا دة السبب اللي خالاني اجري عليكم اقولكم عليه فأنصحكم تخلوا الانجيرهات في الاخر خالص و تستنوا قرب الفرح وتسألوا خطابكم بصنعة لطافة وتشتروا اذواقهمانا علي كدة تقريبا كل الانجيرهات هتترمي علي حسب مفهمت منه مع اني مفترتش ..انا جبت بتاع ليلة الدخلة اوف وايت من جويا وكان اغلاهم في التخفيضات 190 جنيهودة الوحيد الغالي والباقي حوالي 12 من الغورية اسعارهم من 40 ل 80 ودة معناه اني هنزل اشتري طقم ابيض تاني وارمي الالوان الكئيبة اللي جبتها " رمادي ونبيتي وكحلي "واشتري احمرات وفوشيات بقي ودة هيبوظ الميزانية لاني علي الاخر شطبت فعلافاستفيدوا من اخطائي
ولبس البيت نفس النظام .علي قدكم يا حبايب قلبي متكتروش .يعني انا كترت في الشتوي اه .لكن الصيفي كم بيجامة علي كم كاش مايو .في التخفيضات جبتهم .وياعالم الصيف الجاي هيبقي مقاسي ايه ؟تالت حاجة الفرشيا ريت تدي لنفسك وقت علشان الفرش ومتستعجليش انا حددت الميعاد بعد العفش ماجه واتنصب روحت حجزت في قاعة المسجد بعدها بشهر اكون خلصت الستاير و اعصابي هديت والفرش اتحط في الشقة وافكر اشوف ايه الناقص اجيبهفعلي قد ماتقدروا ..متزنقوش نفسكم في المواعيد رابع حاجة الفستااااااااااااااناللي مجنن كل العرايس استهدي بالله واتوكلي علي الله وانتي متيقنة ان ربنا معاكي وهتلاقي الامور متسهلة علي الاخرانا جبت الفستان من اول محل توكلت علي الله وربنا يسر الامور فاللي قلبك يستريح له خلاص .وقولي دعاء الاستخارة قبل متدفعي فلوسه ..خلاص قلتي الدعاء في سركدفعتي الفلوس روحتي ..انسي باة شكل الفستان ومتفكريش فيه وتقعدي تقولي يا تري هيطلع حلو والا لاوتوري صوره لاصحابك وقرايبك ولا تحطي صوره هنا وكل واحدة برأي ويوتروكي زيادةخلاص ..الخير فيما اختاره الله ودي اذواق ومدام عجبك خلاص مالكيش دعوة بجدالنصايح باة وانتي بتقسيي الفستان بجد ..يا حبذا لو حد من صحباتك اللي بتثقي فيهم وفي رايهم بلاش مامتك او اختكهتلبسك علي ذوقها وهترجعوا متخانقين خدي معاكي الصندل او الجزمة والبسيها علي الفستانوتكوني لابسة بدي ابيض مش اسود زي عملتي السودة بعض المحلات مش بتقيسك الا لما تقرري تاخدي الفستان من عندها "غلاسة "فاختاري 3 موديلات او اربعة كل موديلل مختلف بس يكونوا اكتر حاجة ابهروكي وقيسي بأة وعيشي بمعني احلي فستان زي فساتين الستدريلا المنفوش دةوواحد منفوش بس النص الفوقاني نازل بسبعة كدةوفستان من اللي ساك ونازل زي السمكة بحيث تشوفي ايه اكتر موديل لايق علي جسمكلانه ممكن يا حبيبة قلبي يعجبك وتموتي عليه ولما تقيسيه تلاقيه يععععععععععععععع عليكي ومش مناسب لجسمكواعملي زيي ودي كانت نصيحة صاحباتي الله يكرمهم اللي كانوا معايا البدي التل افضل وخليه تشغلهولك زي الشغل اللي في الفستان يعني فيه فضي يبقي الشغل فضي ..فيه لولي يبقي لولي وهكذاللي هيسأل انا روحت سنتر ناجية في الهرم واجرت الفستان التركي 850 جنيه بعد 1200 والبادي 150 تل وهتشتغلهولي والطرحة والجيبونة مع الفستان يعني كله 1000 جنيهحاجة اخيرة بقي .بيأجروا الجيبونة التل ب100 جنيه وبصراحة فستاني منفوش من تحت بس فالبنت نصحتني مالهاش لازمة وفري ال100 جنيه لان الجيبونة السلك زيها ومش هتترفع مع قصة الفستان بتاعي حبيت اقولكم بس الماكياجبصوا انا قعدت يجي شهرين الف حوالين نفسي وابحث وادور علي اشهر الميكب ارتيست واقول مش مهم لو خطيبي الكيزانية هتقصر .هدفع واكمل من معايا ومش هقوله المهم دي ليلة العمر وبتاعالمهم انا مش محتاجة اكتر من حد ايده حلوة بيعرف يحط ماكياج وبسسسسسسسسسسسسسسسسسسسسس
وانا اصلا مش عايزة اغير ملامحي .عايزة افضل انا ومكياج بسيط لاني مش بحط اصلا ماكياج ولا من رواد الكوافيرات ..احم احم فانا وباقي العصابة بتاعتي عملنا خطة ونجحت الحمد للهروحنا لكوافيرة جنبنا وقلنا لها عايزين نعمل ميكب هادي علشان هنتصورولاقيناها شطورة وعملت لنا اللي احنا عايزينواقلنا خلاص ..هي ديييييييييييييوروحنا حجزنا عندها للفرح و كنا ناويين نعمل الحركة دي لحد مانلاقي غايتنا والسعر طبعا مش ارقام 1200 ولا 1500 علي ميكب وطرحة والكلام الفارغ وتلاقي البنت شبه العروسة الحلاوةنقطة بأة لو تقدري تعملي الحمام المغربي في البيت لنفسك هيبقي رائع علشان تتعودي عليه دة اللي انا فاكراه من تجربتي يا بنوتاتربنا يفرحكم يا رب ويسعدكم ويتمم لي علي خير يا رب بعتذر لو كنت رغيتولو شايفين كلامي يستحق..قيمونيفي امان الله
السنفورة ميمي 20 السنفورة ميمي 20 739130_3.gif فتكات متميزة Fatakat 739130 القاهرة – مصر