السلام عليكم
انا يا بنات رجلى بتورم لو وقفت حبة صغيرين
بقالى اسبوعين ع الوضع دا
لو وقفت حبة او مشيت حبة لازم ارفع بعدها رجلى
بقوم الصبح من النوم ببقى كويسة ومش بيبقى فيه انتفاخ
اول ما ابدأ اقف واتحرك شوية الاقى القدم بدأ ينتفخ
وكمان عندى عروق شوية من تحت الجلد كأنها دوالى فعلا
انا بصراحة مش عاوزة اكشف عشان والدتى كا عندها كدا وكانت دوالى داخلية وعملت عملية
وانا لسه 26 سنة وولدت مرتين قيصرى وعملت عملية تالتة ومش عاوزة اعمل عمليات تانى
انا نفسيتى اصلا تعبانة من شكل الجروح وكمان اولادى لسه صغيرين وتقريبا مفيش حد يراعيهم غيرى
وعلى فكرة انا مش تخينة خالص انا 63 كيلو وطولى 160 كل اللى زدته 2 كيلو
لو حد حصله كدا وكان له علاج او حقن ياريت تطمنونى الله يخليكو
غامضه الملامح غامضه الملامح فتكات هايلة Fatakat 313584 دمياط – مصر