بالله عليكم يا فتوكات تردى عليا ومش تسيبونى عشان انا خلاص عقلى هيشت منى …..يا رب تطولوا بالكم عليا عشان افهمكم الموضوع من الاول اولا انا من صغرى كنت نحيفه وضعيفه وكمان كان عندى فقر دم …المهم الدوره الشهريه جاتلى وانا فى اولى اعدادى تمام بعدين قطعت يجى 3 او 4 شهولر وبعد كده جات عادى بس مش بتيجى عندى كل 28 يوم زى بقيه البنات لا ممكن تتاخر من 3 الى 10 ايام يعنى مش منتظمه ده غير انى كنت لحد ماجت الدوره كان صدرى صغير قوى كنت مسح بمعنى اصح ده غير انها لما بتجيلى بيقبى فرح البيت كله بيعرف انها عندى ماما وبابا واخواتى البنات وكمان الشباب فضيحه يعنى ده لانها بتخلينى ابكى من الالم والمغص والاحساس بالدوخه بس من اول السنه الى فاتت وهى بتتاخر بهبل يعنى ممكن تقعد شهر متجيش طبعا نسيت اقول اهم حاجه وهى انى من النوع القلوق والعصبى وكمان الحساس جدا يعنى اى كلمه تتعبنى و تأثر فيا …….وانا كنت طول عمرى رفيعه لحد من سنه كده او اكتر بدأت اكل كويس و زيدت فى الوزن بس للاسف صدرى صغير …….المهم روحت كشفت عند دكتوره نسا وكشفت بالسونار وقالتلى المبايض تمام وكله كويس وشافت وزنى وصدرى وقالتلى انتى بس كولى كويس و قالتلى مافيش حاجه غريبه وكتبتلى على سيكلوبريجنوفا لمده 3 شهور وطبعا الدوره فيهم تمام ماهى نازله صناعى وبعد م3 شهور ماخلصوا رجعتلها تانى ده لان الدوره مرجعش تيجى لوحدها وطلبت منى تحليل هرمونات وعرفت من النتيجه انى عندى كسل فى الغده النخاميه وانى ممكن احتاج لتنشيط للتبويض قبل الجوازوطبعا نفسيتى ادمرت وبعدين لقيت دكاتره كتير قالولى انى ممكن بسبب الانيميا وبدأت اخد اقراص حديد واهدى اعصابى واكل كويس والدوره بقت مضبوطه تيجى كل شهر ولو اتاخرت تتأخر كام يوم الحمد لله كنا فين وبقينا فين ………………بس لاحظت ان مره تكون مظبوطه ومره تتاخر بالتبادل يعنى المهم قعدت كام شهر مظبوطه لحد اخر مره ورتنى وشها كانت فى اخر شهر 2 الى فاتت ومش عايزه تيجى تانى وانا فرحى كمان شهر ونص ومش عارفه اعمل ايه كتير قالولى ان الجواز فى حد زاته بينشط الهرمونات وممكن محتجشى تنشيط وانى الافضل انى انتظر لما بعد الجواز واسيبها على ربنا وانا دلوقتى تأخيرها ده طبيعى ولا انا كده مش مظبوطه نع العلم انى حاليا دماغى مليان حاجات كتير وقلق بسبب قرب معاد جوازى و حسه انى متغيره مع خطيبى الى بحبه جدا وهواجس كتير بتيجى فى دماغى ده غير صدرى الصغير خايفه دى حاجه تضايقه بعد الجواز قولى احل المشكلتين دول ازاى يارب تعرفوا تريحونى لانى بجد تعبانه وف امس الحاجه* لحد يطمنى عشان انا نفسيتى زى الزفت
سما 09 سما 09 254358_1.gif فتكات هايلة Fatakat 254358 اسكندريه – مصر
سبحان الله و بحمده