السلام عليكم ورحمة الله وبركاته
من غير رغى كتير
نقول المقادير
1/2 كيلو لحم مفروم ناعم
ذرة جوزة الطيب (بشره صغيره)
ملح و فلفل
بهارات
2 فص ثوم مفروم ناعم جدا (متكتريش الثوم)
بيضه صغيره(استخدمتها بلدى)
3 ملاعق كبيره دقيق
بس اخلطى كل المقادير كويس اوى ولو حاسه انهم مش ناعمين
اديهم لفه او اتنين بالكبه او المفرمه
وبعدين هاتى قطعه من البلاستيك اللى بنغطى بيه الأكل ( كبريها شويه )
وحطي عليه الخليط ده ولفيه مع الضغط لحد مايبقى شكله زى رول اللانشون
وبعدين لفيه تانى بالفويل (ورق القصدير)
اتركيه فى المطبخ حوالى ساعه مثلا علشان تندمج النكهات كلها كويس
وبعد كده اسلقيه حوالى نص ساعه ( او تزيد حسب حجم الرول )
ارفعيه عن النار واتركيه فى ماء السلق لحد مايبرد
خلاص برد
قطعيه وكلى وأكلى اللى معاكى بألف هنا وشفا
مش منقول بس اضافاتى مع خليط من
وصفة ام سعيد
https://fatakat.univanet.com/#20169
ووصفة همسات حائرة
https://fatakat.univanet.com/#104799
بالله عليكم اللى تجربه تقولى رأيها
و طبعا مش هوصيكم بالدعاء :sCh_christianpray3:
على فكره هو عجب اولادى جداااااااااا بس للأمانه هما ميعرفوش طعم اللانشون اصلا لأنى عمرى مأكلتهلهم …و جوزى قالى طعمه احلى من بتاع بره
(والله العظيم قالى كده و مكانش بيجاملنى)
يا رب يعجبكم:sCh_christianpray3: مواضيع هذا القسم برعاية
noha8103 noha8103 61742_1.gif فتكات متميزة Fatakat 61742 اكتوبر – مصر