السلام عليكم ورحمة الله وبركاته
ازيكم يا فتوكات
انا خايفة اوى بالله عليكم تطمنونى
انا عملت اختبار حمل وطلعت حامل الحمد لله
وروحت عند الدكتورة على الاربعين كده قالتلى انها مش شايفه حاجة لما عملتلى السونار
وقالتلى تعالى بعد اسبوع كده نشوف تانى
بس انا خايفة اوى لانى كنت بقولها فى وجع شوية
قالتلى احتمال يكون خارج الرحم
وامبارح جالى مخص فى كل بطنى هو مكنش جامد اوى
بس انا خفت اوووووووووى وقعدت اعيط طول الليل
ممكن تطمنونى وتقولولى هو فعلا كده يبقى لاقدر الله حمل خارج الرحم
ولا المغص ده عادى فى الحمل وكمان ساعات بيجى وجع فى جنب واحد
مع العلم انى باخد مثبت دوفاستون مرتين فى اليوم
بالله عليكوا انا قلقانة قوى ومش قادرة استنى كام يوم
نفسى ابقى ماما نفسى ابقى ماما images/avatars/inbloom.gif فتكات هايلة Fatakat 127227 ابو ظبى – الامارات
سبحان الله و بحمده