امكانية الحلم( الى من يهمه الأمر)

االسلام عليكم ورحمة الله وبركاته
أولا أعرفكوا بنفسى للمايعرفنيش أنا أم لطفلة عندها عشر سنين فى سنة رابعة ابتدائى عندها شلل دماغى سببلها اعاقة حركية

وكتبت كتيرفى القسم هنا عن المعاناه الى ممكن يشوفها طفل ذوى الاحتياجات الخاصة هو وأهله فى كل مكان وفى كل الأوضاع
وكنت كتبت موضوع اسمه شكوانا الى الله لكل الى حصلتله مشكله يحكيها فى الموضوع من باب الفضفضة يعنى وابتديت بنفسى وحكيت على مشاكل بتحصل فى المدرسة وفى العلاج والشوارع والمسئولية الى بتتحملها الأم لمعاق حركيا خاصة وانى معايا أطفال تانين وهكذا لكن الى حصل انى لقيت وده عادىيعنى أنا متعودة على كدة كل الى دخل الموضوع دخل عشان يواسينى
المهم أنا دلوقتى فى ظل ما نحن فيه من ظروف تغيير وثورة وما الى ذلك شايفة ان احنا ممكن نحلم ونحس ان تحقيق الحلم ما بقاش مستحيل
احنا كنا اتكلما كتير قبل كدة وكان فى حركة اسمها 7مليون ظهرت
تطالب بحقوقهم وعملوا مظاهرات عند مجلس الشعب وطبعاماحدش عبرهم
بس دلوقتى ممكن طريقة الحلم تتغير
علشان كدة عايزة من كل واحدة يهمها أمر ذوى الاحتياجات الخاصة تحلم معايا ممكن فى مصر الجديدة يعنى بعدالثورة يكون وضعهم ازاى
ثقافيا واقتصاديا واجتماعيا وصحيا وتعليميا وترفيهيا…………………………………… …………………….
احلموا معايا لأقصى حد
يعنى مطلوب من كل أخت تدخل تقترح اقتراح ممكن تنفذه حكومة شريفة لذوى الاحتياجات الخاصة

يورو يورو 113617_2.gif فتكات رائعة Fatakat 113617 الاسكندرية – مصر

سبحان الله و بحمده