اهلا حبايب قلبى وفتوكاتى اكيد اجمل حاجة بتحلى الاكل السلطات وانا ان شاء الله ناويه اعمل اجزاء تانية
اولا انا الوصفات دى مسهلاها على الاخر لان فى عرايس جداد ومحتاجين الحاجة تكون سهلة نبتدى
سلطة الطحينة
علبة طحينة صغيرة (2او3جرام تقريبا ) فصين ثوم صغيرين ملح-شطة خل حوالى 2ونص كوب ماء الطريقة افرغى علبة الطحينة فى طبق غويط ضعى الماء فى حلة واغليه كويس قوى اول ماتطفى الماء من على النار حطيها فى طبق الطحينة وقلبيها بايدك بسرعة لحد ماتوصلى للسمك اللى بتشتريه من المطاعم بتبقى اخف من بتاعت البيت وعموما هى مش بتاخد اققل من كوبايتين ونص ماء حطى عليها فصين التوم بس تهرسيهم الاول وبعدين حطيهم وظبطى الملح واهم حاجة الشطة مش تبقى نار مولعة لا حطى كمية معقولة تدى اللسعة وتحطى الخل مايزدش عن اربع معالق وانتى عليكى انك تظبطى الحدق بس سيبيها تبرد حتبقى زى بتاعت المطاعم بالظبط واتحدى
سلطة البطاطس2 بططساية كبيرة مسلوقة 2 معلقة زيت زيتون (اوى اى زيت عادى اوى تحطى زيت شعر اه ) معلقة كبيرة عصير ليمون -فص توم 2معلقة كبيرة بقدونس مفروم بصلة مبشورة -ملح-فلفل-ربع كوب زيت ذرة الطريقة قطعى الاثتنين بطاطس مكعبات نضع زيت الذرة على النار ونحط فيه التوم والبصل لحد مايحمروا نضع عليهم البطاطس والملح والفلفل ونقلبهم بالراحة بالمعلقة وطى النار وسيبيهم شوية حوالى 1 دقيقة وبعدين اقفلى النار حطيهم فى طبق مع معلقة واحدة بقدونس قلبى اللمون وزيت الزيتون مع بعض وبعدين حطيهم على البطاطس وعليهم معلقة البقدونس التانية وبالهنا والشفا
سلطة الخيار بالطحينة 3 معالق طحينة 2 كوب زبادى 2 خيار -ملح-فصين توم مهروسين الطريقة اغسلى الخيارتين وقشريها وابشريهم ورشى عليهم رشة ملح ضعى التوم والزبادى والطحينة فى الخلاط او المضرب اليدوى لمدة 2 دقيقة حطيهم فى طبق وحطى الخيار معاهم (السلطة دى جميلة مع المشويات)
سلطة الجمبرى كيلو جمبرى صغير اوى مسلوق 3 معالق كبار مايونيز ورقتين خس الطريقة بعد ماتسلقى الجمبرى قشريه وشيلى خط الرمل اللى فى الضهر حطى عليه المايونيز وقلبيه كويس وبعدين جيبي طبق وافرشى ورقتين الخس من تحت وحطى عليهم الجمبرى
سلطة الجبنة البيضة ربع كيلو جبنة بيضا ورقتين خس-2طماطم-2خيار-ملح-زعتر معلقة كبيرة عصير ليمون الطريقة نقطع الجبنة مكعبات صغيرة اغسلى الخيار والطماطم والخس وقطعيهم مكعبات حطى الجبنة معاهم وقلبيهم بالراحة علشان الجبنة تفضل بشكلها حطى الملح والزعتر والليمون مع بعض وقلبيهم وحطيهم على الجبنة وبالهنا والشفا
سلطة الشبت المفيدة لجمال الشعرحزمة شبت 1 طماطم 2 فلفل حراق 2 معلقة زيت 3 معالق طحينة الطريقة باستخدام الكبه طبعا نكون غسلنا الشبت وقطعناه حطيه فى الكبة وحطى الطماطم والفلفل وافرميهم فرمة حلو وحطيهم فى طبق وقلبيهم مع الطحينة ورشى عليهم الملح وحطى الزيت على الوش وبالهنا والشفا
سلطة الفتوش 3خيار 3طماطم 3فجل 3بصل اخضر 1بصل ناشف كوب خس نص كوب نعناع نص كوب بقدونس نص رغيف شامي مقطع محمص او مقلى فى الزيت خلطة التتبيلة (ملح-ليمون-فلفل-كمون-زيت) الطريقة تقطع جميع المقادير قطع صغيرة مع وتوضع مع بعض ويقلب الملح والفلفل والكمون ووالليمون والزيت مع بض ويوضع فوق الخليط ويوةضع عليهم العيش وبالهنا والشفا وتابعونى فى الشوربات والفطائر والمعجنات وجميع الاكلات اللذيذة ارجو التقييم والردود من اجل ابزال الكثير من الجهد حتى نجمل منتدانا الغالى والى اللقاء
مواضيع هذا القسم برعاية
مريم روح قلبى مريم روح قلبى 478819_5.gif فتكات هايلة Fatakat 478819 الاسكندرية – مصر