ااااااااااااااااه
ازيكوا ياحلوين يامبقلظين عاملين ايه فى الحر ده
انا الصراحه متغاظه اوى من موضوع اعراض الحمل فى ولد وبنت دى لانى كل ما ارسى على بر مع اعراض كام واحده
تيجى واحده تانيه تشقلب كل الكلام اللى اللى قبليها قالوه
يعنى مثلا فى المعتاد
البنت بتتحرك متاخر ومش بتبان فى السونار قبل الشهر الخامس واحيانا اكتر
الوحم بيبقى خفيف
الام بتحلو وتتخن فى جسمها كله
بطن الام بتبقى بالعرض او فالجناب
اما الولد
الحركه بدرى
بيبان فى السونار من الشهر الثالث
الوحم تقيل
بطن الام بتبقى باظه لقدام اوى وطويله شويه
الام بتوحش وبيظهرلها كلف
اما انا وبلا فخر ده حملى التالت وعندى بنتين والاعراض بتاعت البنات اللى قولتها دى كانت عندى فعلا
المشكله بقى انى المرادى حاسه بحاجات تانيه خالص تميل الى اعراض الولد وبرده السونار بيقول بنت
يبقى العيب فى مين بقى انا ولا السونار هههههههههههههه
انا دلوقتى بفضل الله فى الشهر السادس
حملى ده مكنتش حاسه باى اعراض فى الاول لاترجيع ولا دوخه ولالالالالالا الهوا
بس كان بيجيلى صداع نصفى كان بيموتنى والله
خاسه وشكلى وحش اوى
نشيطه جدا ماشاء الله يعنى
حسيت بالحركه يمكن من الشهر التانى او اول التالت
بطنى وعلى غير العاده مبوزه لقدام
يبقى انا بستهبل بقى ولا ايه ولا يمكن ده حمل فى ولد كاذب
ههههههههههههه
يلا مجايب ربنا كلها خير
المطلوب بقى تقولولى انا صح ولا غلط فى الاعراض اللى بقولهالكوا
واللى حصل معاها غير كده تقولى كانت حامل فى ايه واعراضها كانت ايه
وربنا يقومنا كلنا بالف سلامه ويدى كل واحده اللى نفسها فيه
ام روضه ودارين ام روضه ودارين 915770_10.gif فتكات متميزة Fatakat 915770 القاهره – مصر
سبحان الله و بحمده