ازيكم يا والدين يارب يعدي نفاسكم على خير يارب
انا النهرده حبيت افيدكم من خبرتي وخبرات صحباتي وامي ربنا يخليهالى لانى بشوف مواضيع كتير عن النفاس والبنات محتاسين ده هيبقى شامل كله كله لحد ماتطهري وتخلصي الاربعين ان شاء الله
اولا : طلعتي من المستشفى حمد الله على سلامتك ودخلتى بيتك سواء والده طبيعي او قيصري هتكوني اشتريتي سابقا الفوط دي للنفاس بتتميز انها كبيرة وطويله وقطنيه عشان خياطه الولاده الطبيعي وناعمه وجميله
انا استعملت دي جميله اوووووووي وطريه وناااااااعمه جدا ومش بتسرب
واستعملت برضه اندرات النفاس او الدورة الشهريه كانت بتترمي كل مابغير الفوطه حلوة وطريه وبا استك من فوق مريحه
والدكتورة كتبتلى على الغسول ده مطهر ومعقم لجرح الخياطه لاني والده طبيعي كنت بحط فنجان منه على لترين ميه دافيه واتشطف فقط ما اقعدش فيه
وده الكريم ميبو الى كتبتهولى عشان ادهنه عالخياطه عشان تدبل وتلتئم بسرعه كان بيريحني اووووووووووووووووي
وده بقى المغطس الى اشتريته من الصيدليه عشان اقعد فيه بدل ما املى البانيو ميه دافيه ممتاز وفيه منه مقاسات اناجبت لارج
وده الملح الطبي الى كنت بحط منه شويه فى المغطس واقعد فيه مع ميه دافيه طبعا عشان يوقعلى بقيه الغرز بس ده تستعملوه بعد 10 ايام مش قبل كده لانه هيحرقك اديني حذرت اهو
وده بقى الملين هو بالشوكولاته كنت باخد منه معلقه الصبح مهم اووووووووووووووووي بالذات للى والده طبيعي عشان لو جالك امساك هتقعدي تعيطي فى الحمام من وجع الخياطه لازم اووووووووووي تاخدوه
ودى مخده للولاده الطبيعى مفرغه من النص عشان الجرح وطريه اووووووووووى لان اكتر حاجه بتوجع ساعه القعده انا مكنتش اعرف عن المخده دى بس كنت بحط مخده طريه تحتى
واشتريت مشد opo من الصيدليه مطاطي بيتلبس على طول ممتاااااااااااااااااز انا جبته لارج بس غلطت كان لازم اجيبه ميديوم افضل عشان يبقى ماسك اكتر ولبسته بعد ساعه من ولادتى
جبتلكم شكله اهو هو ده بالظبط
وده مشد للقيصري مش عريض عشان الجرح انا صحباتي جربوه بعد ييجي شهر من الولاده كده
Madam koko Madam koko 658931_9.gif سوبر فتكات Fatakat 658931 بلاد الفرنجة – السعوديه