السلام عليكم ورحمة الله فتوكاتي حبيباتي ….. يارب تكونوا كللكم ف احسن حال يارب
النهارده جايبالكم روشته للدكتورة سمر العمريطي للنحيفات او اللي وزنهم مظبوط بس جسمهم مش حلو …يعني وزنهم بالحساب كده مظبوط ومثالي انما تلاقيهم خاسسين اوي من فوق اومن عند منطقة الارداف ( ودي مشكله حياااااااااااااااااتي بس خلوها سر بيني وبينكم يعني
بس ف الاول عاوزه اقوللكم علي نصيحه انا عرفتها من الدكتورة سمر بردو ومن الدكتور اللي انا كنت ماشيه معاه كمان بس للاسف عرفتها متأخر الي حد ما لاني فعلا كنت بدأت اعاني …وهي انه ماحدش ياخد ادويه نهاااااااااائي لفتح الشهيه لان مراكز الشهيه ف المخ موجوده ف مكان جنب الجزء الخاص بالحاله المزاجيه وده بيخللي اي ادويه فتح شهيه او حتي تقليل شهيه بيوصلنا ف الاخر للاصابه بالعصبيه والاكتئاب …. عشان كده الدكتور سمر اكدت انه ممنوع نهااااااااائي استعمال ادويه كيميائيه لفتح الشهيه بس هي اكدت انه لو في انيميا لازم نعالجها ف الاول ….. وهنا انا حانززلكم الصور اللي صورتها من التليفزيون يوم الحلقة وحاكتب تحتها كمان عشان اللي الصور مش حتكون واضحه عنده …. ويارب تستفادوا زيي يارب ……
نبدأ الاول بوصفة ظبط الجسم وعلاج اعراض انقطاع البيريود…. او زي الدكتوره ماهي مسمياها ( زيادة مظاهر الانوثة هي اللي مسمياها كده والله
كوبين من الماء + كوب من الحلبة + نعناع اخضر + ملعقة ينسون + ملعقة شمر +بردقوش + ملعقة عرقسوس + كراوية + مارميه نغلش الخليط لمده 10 دقايق الي 15 دقيقه ونشرب كوب صباحا وكوب مساء لمده 3 اسابيع ( في نهايه الحلقة زودت عليها ملعقة صويا كمان ) وكمان الوصفه دي مفيده جدا ل اللي وصلوا لسن انقطاع البيريود الدكتورة قالت اانها بتشيل كل الاعراض الرخمة اللي بتبقي موجوده ف الفتره دي من دوخه ووجع جسم وزياده غير طبيعيه ف الوزن وفوران وسخونيه
نيجي للنظام الغذائي الخاص بالنحيفات ……
قبل الافطار بساعه كوب ماء دافء عليه ملعقه عسل نحل + 7 تمرات …. والوصفه دي بتخللينا نحس بالحيوية والنشاط من اول اسبوع (لاللي دايما حاسسين انهم ضعفاء ومش قادرين يعملوا حاجه )
الافطار كوب لبن محلي بالعسل + سندويتش فينو جبنه او فول + سندويتش فينو بيض مقلي + سندويتش فينو حلاوة او مربي بالقشطه
كوكتيل بين الافطار والغدا : كوب لبن مع موزه و3 ثمرات تين مجفف مع ملعقه عسل وغذاء الملكات .
ارز او مكرونه + بطاطس محمرة بالزبده + خضار + لحمة او فراخ او سمك ….+ كوب يانسون منقوع به 5 تين مجفف مده لا تقل عن 7 ساعات
بين الغدا والعشا ؛ ملعقتين عسل اسود + ملعقتين سمسم + مكسرات
طبق كبير من البليله بالتمر والمكسرات ….او نفس وجبة الافطار او سندويتش فينو جبنه مع سلطة فواكه ب 2 بولة ايس كريم
قبل النوم نفس الكوكتيل اللبن السابق ذكره قبل الغدا
واخيرا ندعي ربنا اننا نقدر اصلا ناكل الكلام ده كله
يارب يكون الموضوع عجبكم يارب وتستفيدوا منه وماتنسوش يا حبيباتي تقييماتكم الحلوة ودعوة حلوة ليا ولبنات المسلمين جميعا يكرمنا ربنا بالازواج الصالحه يارب اللهم امين ……
سلام يا قمراااات [/size]
امة الله2016 امة الله2016 617267_1.gif فتكات نشيطة Fatakat 617267 الاسكندرية – مصر