ازيكم يا فتوكات
يارب تكونوا بخير
وتكون سنة 2024 حلوة عليكم
معلش بقى انا هدخل فى الموضوع على طول
عشان مطولش عليكم
انا ظهرى واجعنى اووووى
وعندى دراعى اليمين بيوجعنى وجع ربنا مايكتبه على حد
الكلام ده من وانا حامل وولدت يعنى بقالى فى الموضوع ده حوالى سنتين ونص 3 سنين
المهم عملت حجامة
هيه جميله اوى
وطبعا الاجمل انها سنه عن الرسول صلى الله عليه وسلم
خفيت شويه ورجعت تعبت اكتر من الاول
ليه بقى
!!!!!!!!!!!!!!!!!
مش عشان الحجامة وحشه
لاء
دا بسبب
ان انا عملتها لسه الاسبوع اللى فات ده وانتوا شايفين الجو عامل ازاى
والمفروض ان انا اعملها وادفى وارتاح
وطبعا الجو مش مساعد على الدفى
دا الواحد بيكون تحت البطانيه ومتلج اصلا
والسبب التانى ودا المهم
ان عندى بنتى مؤدبه وهاديه ومحترمه جدااااااااااااااااااا
طبعا والعكس صحيح
لدرجة ان الجيران بتسمع بيه من افعالها
وكل شويه
اغير بامبرز
واغسل ايد
واكل واشرب
طبعا دا غير طلبات البيك بوص بتاعنا
خلاصة الكلام
سمعت عن الاربه السوخنه اللى بتمليها مايه سوخنه وتحطيها على ظهرك
ديه ايه رأيكم فيها
؟؟؟؟؟؟؟؟؟؟؟؟؟؟؟؟
وجزاكم الله خيرا
جنه اجمل البنات جنه اجمل البنات 482520_4.gif فتكات رائعة Fatakat 482520 الاسكندرية – مصر