فتوكاتى الحلوين انهارده جيبالكم طريقتى فى عمل الممبار سهله والنتيجه هتشوفوها بنفسكم فى الصور
اول حاجه جبت الممبار قطعته على حسب الطول اللى انا بحبه انا مش بحبه طويل عشان يباه سهل فى الحشو وفى تنضيفه
بعد ما جردته بالسكينه وشيلت منه الطبقه الهلاميه اللى عليه غسلته مرة بالملح والدقيق ومرة بالخل والليمون ومرات ومرات بالميه والخل وبعدين قلبته لانى بحب احشيه مقلوب عشان الدهون اللى فيه تسيح فى قلب الخلطة وتدى طعم حلو كدا الممبار جاهز وادى الصور
نيجى للخلطة باه زى اى خلطة محشى نجيب البصل نقطعه ونقليه خفيف ونضيف عليه عصير الطماطم ومعلقتين صلصه ونسيبه يتسبك شويه نكون غسلنا الخضرة وقطعناها وغسلنا الرز ونضيف الخضرة على التسبيكة على البهارات والملح حسب الزوق كدا الخلطة جاهزة والممبار جاهز
نبتدى نحشى ونخفف الخلطة فى الممبار عشان يطلع مستوى وشكله حلو و رفيع ودا بعد ما حشيته
خلصتى حشو حطى حلة فيها ميه تغلى وحطى فى الميه بصله وملح وفلفل ولما تغلى بشويش نزلى الممبار واحده واحده ولازم تكون الميه بتغلى عشان اول ما الممبارة تنزل فى الميه تقفل من الناحيتين وسبيه زى ساعه او ساعه وشويه لحد ما تلاقى الممبار استوى على حسب الممبار بتاعك ودى الصورة بعد السوى
اتسلق وكله تمام شليه من الشوربه بتاعته علطول وطلعيه وحمريه فى حتة سمن بلدى كدا جميله او زبده زى ما تحبى وبالف هنا وشفا
[/font][/size][/color][/b][/center][/font][/size][/color][/b][/center] مواضيع هذا القسم برعاية
أم شوشو وروكا أم شوشو وروكا 340559_9.gif فتكات هايلة Fatakat 340559 الاسكندرية – مصر