السلام عليكم ورحمة الله وبركاته
والصلاة والسلام على خير الأنام سيدى وحبيبى
(محمد بن عبد الله)
عليه افضل الصلاة واتم التسليم
وبعد احب امسى على كل الفتوكات الحلوات
النهارده عملت المكرونه البشاميل بحشوة الشاورما ودى اول مرة اعملها كده بس بجد طلعت خراااااااااااافه
اول حاجه شغلت البوتوجاز وحطيت المايه تغلى علشان نسلق المكرونه وفى الوقت ده عملت البشاميل ازااااى اقولكم
حطيت ملعقين زيت وملعقة سمنه ونزلت عليهم ملعقتين دقيق وقعدت اقلب فيه لما لونه بقى دهبى ونزلت عليه باللبن ومكعب مرق دجاج واقلب اقلب لما يبقى قوامه زى الكريمه
وبعدين اشتغلت فى الشاورما عملت ايه بررررده اقولكم
كنت جايبه فراخ بانيه وقطعتها قطع صغيرة بعدين تبلتها من الصبح فى(ملعقة مستطرده+ملعقتين خل+فلفل اسمر+ملح+زعتر+بابريكا+كركم+كارى)
جبتها واديتها صدمه فى ملعقتين زيت وشوحتها على خفيف بعدين شيلتها وحطيت مكانها بصلايه مكعبات شوحتها لغاية لما دبلت ونزلت عليها بطمطمايه وفلفلايه مكعبات وعليهم الفراخ وهديت النار لغاية لما استوت حوالى ربع ساعه
المايه غليت وسلقت كمان المكرونه كده كله بقى جاهز نقفل بقى الصينيه
جبت المكرونه وخلط عليها مقدار من البشاميل وضربت بيضه برشة فلفل وقلبتهم مع بعض
جبت البيركس وحطيت نصف مقدار المكرونه
بعدين حطيت الحشو وعليه المقدار التانى من المكرونه
جبت جبنه شيدر بشرتها ورشيتها على المكرونه
وعليها حطيت باقى البشاميل وضربت بيضه تانيه برشةفلفل وفوق الوجه ودخلتها الفرن
ولما طلعت من الفرن كان ده شكله بس معرفتش اصور ريحتها
وده بقى علشان التجوييييييييييييييييع
اكيد انتوا عارفين هتعملوا ايه فووووووق
اترككم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده