حبيت افيد زى مبستفاد منكم كتير اوى
طبعا انتم كلكم خبرات ربنا يوفقكم ويزيدكم يارب بس يمكن بنوتة صغنونة تحب تجرب اكلى ههههههههههه
انهارده هقولكم طريقه المكرونة والكفته
طبعا هتقلولى مش صانعه
هقولكم مفيش اكل مش صانعه والله واللى يقول غير كده مبيفهمش فى الاكل حتى السلطه نفس هههههههه
نسمى الله
اول حاجة
المقادير
مكرونة اى نوع
لحمه مفرومة حسب العدد
زيت
سمنه
بقدونس
بصل مفروم جدااا
فصين توم مفرومين
بقسمات مطحون
نص بيضه مضروبة
ملح
قرفه
فلفل اسود
شطه
الطريقه
نسلق المكرونة عادى جدا جدا
ونصفيها ونحط عليها شوية زيت صغيرين عشان متعجنش
الصلصه طبعا مش محتاجة حاجة هسيبهلكم بقى
الكفته بقى
فى طبق واسع وغويط نحط المقادير ديه
اللحمه المفرومة ، البقسماط بس منكترش ، نص البيضه ، التوابل حسب الرغبه والبقدونس يكون متقطع خالص
نعجنهم والافضل يتحطوا ياخدوا ضربتين فى الكابه
نطلعهم ونسيبهم نص ساعة فى التلاجه وبعد كده نصبعهم
ونحطهم على النار يستوا ونحط شوية سمنه ومايه معاهم
ونقلبهم بعد شوية
اول ميستوا نكون مسخنين فحمه جامد ونقوم حاطين الفحمه فى الصنيه ونغطيها كويس
وممكن ندخلها الفرن بعد كده حسن الرغبه بردو
وبالهنا والشفا
الصور من عمايل ايدايا
وطبق الكفته ده للفتوكات
مواضيع هذا القسم برعاية
ناهد2017 ناهد2017 images/avatars/peppers.jpg فتكات غالية قوي Fatakat 115735 حضن جوزى ربنا يهدينا لبعض ويبعد عنا شر الحاسدين – الجيزة حاليا شبرا