بسم الله الرحمن الرحيمجيالكم النهاردة باول وصفة ليا في قسم الطبخ يارب تعجبكم
نقلتها من مطبخي مباشرة
المكونات
1- بطاطس شرائح
2- فلفل رومي ولو بتحبيها حارة يبقى فلفل حامي شرائح
3- باذنجانة متوسطة الى كبيرة شرائح
4- طماطم شرائح
5- بصل شرائح
6- 1/2 كيلو ارز بسمتي منقوع
7- فراخ مسلوقة مقطعة او لحمة مسلوقة مقطعة
بهار عربي+ كركم + فلفل اسود+ ملح +شوربة فراخ او لحم+ مكعب مرق
الطريقة:
– طبعا اول حاجة تعمليها اقلي كل الخضراوات اللي عندك وسيبيها تصفي زيتها .
– تجيبي الحلة اللي هتشتغلي فيها (تيفال) وطبعا مقاسها تقديري لك على عدد افراد الاسرة بس خلي بالك لازم مقاسها يبقى اكبر من المعتاد علشان الاكلة هتنفش ولازم تاخد راحتها في الحلة علشان كل حاجة تستوي كويس وتدهنيها زيت او زبدة
وتحطي شوية ارز تفرشيهم في ارضية الحلة.
– بعدين تحطي طبقة لحم او فراخ ثم طبقة باذنجان ثم طبقة فلفل وبعدين طبقة ارز مش كتير رشة كدا بس.
– بعدين تحطي طبقة طماطم ثم طبقة بصل ثم طبقة بطاطس وبعدين حطي باقي الرز كلو واضغطيه في الحلة جامد بايدك.
نيجي بقا للشوربة تزوديلها الملح بتاعك والبهار والفلفل والكركم وطبعا الحاجات دي كميتها حسب ذوقك وتحطي المغرفة بتاعتك الكبيرة جوة الحلة على وش الرز وتصبي عليها الشوربة بالراحة طبعا علشان الرصة متبوظش وافركي مكعب مرق على الوش وشوية زيت او زبدة وحطيها على النار الهادية لحد ما تستوي .
– وهاتي طبق التقديم وحطيه على الحلة وقلبي الحلة جواه وقدمية مع سلطة الزبادي بالخيار.
وبالهناء والشفاء
ومتنسوش الدعاء والتقييم
احبكم في الله مواضيع هذا القسم برعاية
سوار كسرى سوار كسرى 389996_2.gif سوبر فتكات Fatakat 389996 بيتي – بيتي