بصوا يا بنات كنت عملت قبل كده موضوع وسألتكوا عن رأيكوا فى مفرش تركى فى جروب ومعظم البنات عاجبهم المهم الجروب ده كان عامل اوبن داى قلت اروح واشوف الخامات ع عجب عينى لقيت خاماته تحفة اطمنت بسأله ع المفرش قالى مش موجود عنده عملت كداهو قاللى لو عايزاه اجيبهولك هى خامته زى دى لقيتها خامة زى البطانية كده حلوة وجميلة واهو برده ينفع مفرش وبطانيه ونترحم م المفرش اللى بيتفرش اسبوعين تلاتة ويتشال يعنى هو مش وحش بس الراجل امين قالى الحتة الستان اللى متنية دى مش فيه هو الوجهين نفس الخامة مش عارفة ليه كشيت مع انه مش وحش بأمانة وسعره جنان 600 ج بس ده شكله والوانه فى صفح الموضوع
المهم كان عنده اشكال كتير اغلى واحد فيهم تحفة ب 800 وشويه وفيه كوفرته قاعدت افكر عنده لحد ما قولت ما كده مكده هيتفرش يومين يبقى مش فارقة واتكلت ع الله وجبت كافر لحاف ستان تحفة تركى هحط فيه اللحاف واتعشت محدش هيجى يفعص فيه يعنى والفلوس اللى اوفرها انا اولى بيها واشتريته هو ده نفس اللون هو اصلا ب 525 بس عشان الاوبن داى كان منزله 475 ج
وجبت مفرش السفرة بالرنر تركى بخواتمه بفوطه بقواعد سرفيسه وكاساته ب 400 ج بدل 450 برده عشان الاوبن داى
قولولى رأيكم بقا ومتخذلونيش ولو حد عايز اى حاجة يؤمرنى وعشان خاطر ربنا ادعولى اتجوز بسرعة انا تعبت
nona32 nona32 845533_2.gif فتكات نشيطة Fatakat 845533 giza – egypt
سبحان الله و بحمده