كيفكم يا فتوكات اليوم جايبلكم وصفة انا شخصيا بحبها وهي سهلة وبسيطة
المقادير :
خضار اللي موجود عندك ( كوسا بطاطا جزر فطر قرع فليفلة بصل حمص ) حسب زوقك
مفتول جاهز
دجاج او لحمة
هيل وكسبرة وفلفل اسودوملح
صلصة بندورة
قطعي الدجاج ونظفي وافرمي بصل وضيفي عليه فلفل اسود ورشة هيل وقرفة وسيبي يتسبك على النار وضيفي عليه ماء
الطريقة 
جيبي المفتول وحطي عليه ملعقة سمنة كبيرة ورشة ماء زهر وفلفل اسود وشوربة كنور وافركي منيح
ابشري عليه البصل وارجعي افركيه
حطي المفتول بطنجرتها الخاصة ولو مش متوفرة حطيها بمصفاة هيك على قد طنجرة الدجاج وغطي عليها منيح وما تخلي البخار يتسرب علشان يستوي وتفتح حبة المفتول
نسيب المفتول على النار مع بخار الدجاج ونروح نعمل صلصة الخضار
لما يكون عندنا خضار زي البطاطا والجزر تاخد وقت لتستوي نحطها قبل
نفرم بصل ونسبك الخضار البطاطا والجزر اولا
ونضيف لها بعدين باقي الخضار انا عندي كمان فليفة وفطر نضيفها مح حبة ماجي
ونسيبها تستوي
نرجع للمفتول لما يستوي الدجاج نضيف على المرق صلصة بندورة ونطفي عليه ونسكب المفتول في صحن كبير علشان هنفضل نزيد عليه شوربة شوي ونحركه ونتركه ونرجع نزيد ونحركه لغاية ما نحس انو حبة المفتول بقت طرية خلاص
شوفي هنا بقت كبيرة وطرية
نقدمها ومن فوق الخضار والدجاج جنب شوربة الخضار وصحة وهنا
انا هيك خلصت يارب يعجبكم في امان الله
مواضيع هذا القسم برعاية
الزنبقة الوردية الزنبقة الوردية images/avatars/pacifier.jpg فتكات ست الكل Fatakat 793622 الخليل – روحي فلسطين