السلام عليكم ورحمة الله وبركاته
سبحان الله وبحمده عدد خلقه ورضا نفسه ومداد كلماته وزنة عرشه
إزيكم يا أحلى فتوكات وأحلى عضوات فى أحلى مدونة
وحشتونى جدا جدا جدا
وكل سنه وإنتم بخير وبصحة وسلامة ورمضان كريم علينا كلنا
المايونيز يا بنات باعمله فى البيت بس بيضايقنى قوى إن باعمله ببيض نى كنت بافكر إنى أسوى البيض على بخار الميه زى الكيكة الإسفنجية بس كنت قلقانة من النتيجة لحد أما شفت موضوع لفتوكة جميله هنا فى المدونة 1gamalat بتتكلم عن وصفة للمايونيز عملها الشيف محمد فوزى بصراحة شجعتنى إنى أعمله ربنا يجازيها كل خير
(وباشكرها من كل قلبى على موضوعها المفيد ودة رابط موضوعها المميز )
(عملت المايونيز بالبيض المستوي وطلع تحفه)
وقلت إيه اللى حيجرى يعنى ما أجرب ما الحياه كلها تجارب والحمد لله كانت النتيجة رائعة ودة شجعنى إن أنى أوريهلكم عالطبيعة بث مباشر من مطبخى
المقاديربيضة كبيره ملعقة كبيرة ميه حوالى من كوباية ونصف لكوبايتين زيت ذرة أو عباد شمس(نصف لتر زيت عالبيضة الواحدة) ملعقة كبيرة مستردة نصف ملعقة صغيرة ملح(الملح باحتراس) ملعقتان كبار خل عصرة ليمونة الطريقة:
ضربت البيضة على حمام ميه دافيه
الأول جبت حلة مليت نصفها ميه وغليتها على البوتاجاز وحطيت فى قعرها منديل ورق لمنع التلامس المباشر
وجبت علبة بلاستيك( حيز ضيق)وحطيت البيضة كامله وعليها معلقة الميه
وممكن بولة زجاج زى ماكان الشيف عامل فى الوصفة أهم حاجة يكون حيز ضيق
وهاتك يا ضرب فى البيضة والحلة بتغلى
لحد ما بقت البيضه عملت زى الكريمة ودة شكلها
وبعدين حطيتها فى التلاجة تبرد شويه (حوالى 10 دقايق عشان يرجع لدرجة حرارة الغرفة لإن البيضة سخنة نتيجة حمام الميه الدافيه بس ما بتكونش سخنه كتير ف 10 دقايق كافيه ليها تبرد وترجع تانى لدرجة حرارة الغرفة ودة كان سؤال للعضوة الجميله شيكو وحيد)
ودة عشان البيض والزيت يكونوا فى درجة حرارة واحدة( زى ما الوصفة بتقول)
وبعدين ضفت الزيت بالتدريج يعنى نقطتين زيت وهاتك يا ضرب وهكذا
طبعا الزيت لازم ينضاف تدريجيا وكل مرة بلاقى البيض نفش والقوام تقل
يعنى الصورة دى أول ما بتديت أضرب
ودى بعد تلات اربع كميه الزيت
وهنا ضفت المستردة والملح والخل والليمون
النتيجة بجد هايله وكدة أنا مش قرفانه خالص إن البيض نى
والكميه تعتبر ضعف الكميه اللى باشتريها من برة بنصف الثمن
فضيتها فى بطرمان
وطبعا أكيد غطيت البطرمان ….هههههههههههه
النتيجة بجد هايله وأتمنى تجربوها
وأرجوكم يا بنات اللى يعجبها الموضوع تكتبلى رد عليه وماتنساش التقييم وإلا
طبعا إنتم عارفين
وأى أسئله أنا تحت أمركم
بحبكم فى الله مواضيع هذا القسم برعاية
ردينى ردينى 107140_3.gif فتكات ست الكل Fatakat 107140 الرماية – مصر