السلام عليكم يافتوكات
ردى ياهانم منك ليها السلام
ها رديتى ؟
ادخل ف الموضوع ع طول عندى استفسار ياريت اللى تعرف متبخلش عليا وإلا هعمل كده امى حبيبتى العيال كبروها من الهم وطلعوا عينها وطول النهار عامله كده معاهم لحد مااعصابها تعبت وعاوزه افرفشها شويه وارجعها عشر سنين كده بعد طبعا ماخلص ع اخواتى الاول فعاوزه بقا خبرتكم معانا
اولا الحاجه عندها شويه كلف وغمقان تحت العين عاوزين حاجه تقضى عليهم
ثانيا شويه تجاعيد تحت العين وف الجبهه عاوزينلهم حل
ثالثا غمقان ف لون البشره من الشمس وكده
رابعا بقا شعرها طار من كتر الشد فيه وخف خالص
ياريت بقا كل اللى عندها تجربه ف الحاجات دى تفيدنا وهدعيلها وهخلى الحاجه تدعيلها طبعا
البت اختى الرخمه عماله تقول محدش هيعبرك بس عارفه انكم هتكسفوها اصلها بتتغاظ من الفتوكات اوى بالله عليكم ردوا وغيظوها
fatoka da3ia fatoka da3ia 1113742_11.gif فتكات رائعة Fatakat 1113742 القاهره – مصر