اولا عملت باشميل عادى جدا زى بتاع المكرونة وعلشان افيدكم اكتر هقولكم بعمله ازاى
بحط شوية سمنة او زيت فى حلة صغنونة وبعدين عليهم معلقة دقيق كبيرة وافضل اقلب لحد ما تصفر (بس اوعى تتحرق)
وبكون مدوبة 5 معالق دقيق فى كوبايتين ماية واول ما احس ان الدقيق اصفر بنزل عليه بالمية ام دقيق دى واكون مجهزة كوباية شوربة وفيه ناس بتستخدم لبن بس انا بصراحة بفضل الشوربة وافض اقلب كتير واوعى تكلكع معاكى وع العموم لو كلكعت ( لانى عملتها كتييييير) بعد ماتبرد شوية اضربيها فى الخلاط عادى جدا
وتسيبيه لحد مايبرد خااااااااااااااااااااااالص وتحطى عليه بيضتين وتقلبى كويس واوعى تستعجلى وتحطى البيض وهو سخن لانهم بالتأكيد هيتسلقوا (واسأل مجرب هههههههه)
وبكدة خلص الباشميل نركنه شوية
ندخل بقى فى عجينة اللازنيا
تجيبى كوب دقيق وبيضة ومعلقة زيت وملح وفلفل وكمون وشوية مية صغننين
(على فكرة المقادير دى تقريبا كدة لفردين مش اكتر)
بنخلط الدقيق والبيضة والملح والبهارات والزيت وبعدين نحط شوية ماية صغننين شوية شوية
العجينة لازم تكون ماسكة نفسها
هتلاقيها بتلزق فى ايدك شوية زوديلها شوية دقيق صغننين
وهنبدأ نفردها بالنشابة ومنخليهاش سميكة ولا رفيعة يعنى تكون فى حدود المعقول
وهنقطعها بعد كدة مربعات مربعات
ونجيب حلة ونسخن فيها ماية ونسيبها لحد ماتغلى
بعدين نحط فيها مربع مربع وبالراااااااااااحة
هتعرفى انها استوت لما تلاقى المربع طفى ع وش المية
على طول تاخديه ع الحنفية وتحطيه فى مصفى او طبق مسطح
هتعملى كدة لحد ماتخلصى كل المربعات
وتجهزى شوية صلصة والحشو بتاعك (لحمة معصجة)
تجيبى صنيتك وتحطى شوية زيت صغننين وبعدين شوية باشميل
تبدأى ترصى المربعات وبعدين صلصة وبعدين شوية باشميل وبعدين اللحمة وهكذا
وتحطى الباشميل اللى فضل ع الوش
وع الفرن عدل
يلا عايزة دعوة تخترق السما دلوقتى
وطبعا الماوس يخترق التقييم بممتااااازز
مواضيع هذا القسم برعاية
ريرى الشعنونة ريرى الشعنونة 517783_6.gif فتكات رائعة Fatakat 517783 … – مصر ام الدنيا
سبحان الله و بحمده