بسم الله الرحمن الرحيم
انا اسفه انى هطول عليكم لكن عموما الموضوع ده حساس وهيفيد بس اللى عندهم حد مريض كبد ربنا يشفينا جميعا
سبحان الله وبحمده سبحان الله العظيم
اللهم ارزقنا الفردوس الاعلى والمسلمين جميعا
الكى الحرارى :
الكى الحرارى هى عمليه بسيطه لعلاج تليف الكبد او سرطان الكبد فى الحالات النصف متاخره
عمليه تحت بنج كلى مدتها مش اكتر من ساعتين لكنها دقيقه جداااا
, المريض بيحتاج التخدير مش عشان انها مؤلمه لكن عشان
ثبات المريض مهم جدا لانها عمليه دقيقه مثل ما ذكرت
وهى عباره عن ابره كبيره بتستهدف الكبد من جرح بسيط طوله 1سم فى 1سم تقريبا
الابره بتدخل الجسم تتشعب الى اكتر من ابره وتخرج ماده كده من شانها انها تقتل الجزء
المستهدف من الكبد اللى هو اصلا فيها التليف او السرطان
لمن تكون :
مثل ما ذكرت للحالات النصف متاخره
بمعنى ان اللى عنده فيرس سى بيمكن علاجه بالحبوب او الحقن لان لسه حاله متقدمه
لكن الحاله المتاخره مثل ما يكون التليف وصل لدرجه عاليه
او ان مساحته فى الكبد اكبر من 2 سم تقريبا اعتقد العمليه جى مش هتنفع معاه
يبقى هى للحالات اللى التليف مثلا 1 سم فى 1سم او اقل طبعا
ولاااااااااااااازم يكون الجزء المصاب من الكبد بعيد عن اى اورده او شرايين حساسه
يعنى يكون على طرف الكبد
طبعا الاشعه بتبين كل ده بالتفصيل
لاتكون مثلا ماسكه شريان واصل للقلب مثلا او للرئتين او ما شابه
معرفش ايه ظروفها بالنسبه لمرضى السكر والضغط لكن ممنوعه لمرضى القلب عشان البنج طبعا
فكره العمليه :
فكرتها انها بتقتل الجزء المصاب من الكبد + المرض معاه
وبيعتمد بقيه العلاج فى امل ان الكبد يبنى نفسه تانى ويجدد خلاياه بخلايا جديده وسليمه
مدى نجاحها :
فى الحالات اللى تتنطبق عليها الشروط نسبه النجاح 80 الى 90 %
ولابد من متابعه الاشعه كل 3 شهور للتاكد من عدم عوده المرض تانى
مع متابعه العلاج طبعا اللى بيتكتب للمريض
واهو اهم من كل شئ الاكل .. هنقوله بعدين
وخدو بالكم قوى لان العمليه دى لو اتعلم لحد مش مناسب بتجيب اخره على طول
قصه والدى معاها :
والدى ربنا يشفيه لنا يارب ….. بالصدفه كان مع والدتى وهى بتكشف وطلع الدكتور معرفه فمن قبيل المجامله كشف عليه
طلب منه تحاليل …. احنا كنا عارفين ان عنده افيرس سى بس عادى يعنى ما الشعب كله عنده فيرس سى
لكن والدى مكنش مهتم بالعلاج وبياهمله والاكل زى الفل
المهم … اكتشفنا بقى ان عنده سرطان ( اعاذنا الله واياكم ) فى الكبد
الدكتور حوله الى مركز اسمه الرخاوى للاشعه والتحاليل فى المنصوره عندنا
ودكتور اسمه اسامه شيحه دكتور فى جامعه المنصوره اعتقد
المهم
الحمد لله طلع الورم 1سم فى 1سم وفى طرف الكبد وهى الحاله المناسبه للعمليه
راح والدى يعملها وكان جاهز جدا واول ما دكتور التخدير دخل لقى والدى ساخن وقلبه بيدق جامد
فشك ان والدى عنده القلب ….
والدى رجع البيت طبعا وعمل اشعه وتحاليل للقلب والحمد لله طلعت دقات القلب بسبب التوتر بس
بعدها باسبوعين رجع عملها والحمد لله رجع لنا ماشى على رجله
كان بيسخن جداا بعد الاكل وده كان عادى والنصيحه المتبعه دائما هى تخفيف الاكل قدر المستطاع
بعد 3 شهور عمل الاشعه تانى والحمد لله الورم اختفى لكن الحفاظ على العلاج ده للابد طبعا ومفيش لخبطه فى الاكل
قصه والد صحبتى :
طبعا انا معرفش التفاصيل كلها…… والدها كان كويس جداا لكن فعلا كان وشه اصفر وضوافره صفراء من فتره
ومحدش فى باله
المهم فجاه جنبه وجعه جدا كشف ولاقاها المراره وعشان يشيل المراره لازم يعمل تحاليل
والمفاجاه بقى بعد التحاليل ان عنده تليف حاد فى الكبد ……. هو كان بيمشى وبيخرج وكل حاجه لكن جنبه بيوجعه شويه
راحوا لدكتور فى الجامعه قالهم لو عاش لبع العيد هاتوه نعمل اله عمليه
المهم راحو لاسامه شيحه ده عمل له الكى الحرارى ….. لكن للاسف حالته ساءت الكتر من الاول بكتييييييييير
معدش بيمشى والحمام بصعوبه
وكل حاجه اتلخبطت
ولما كشفوا عن دكتوره تانيه قالت لهم ايه اللى عملتوه ده دلوقت الكبد كان متاقلم مع الوضع دلوقت الكبد مش قادر يواظب
لان مشكله العمليه دى انها لو ما نفعتش بتضر
ربنا يشفيه ويشفينا جميعا
اكلات مريض الكبد :
مهم جدا الموضوع ده . الاكل ده سواء كان فى بدايه معرفته بالمرض او فى اخره وخصوصا لو بعد العمليه او حاجه
المستحب جدا : البروتين النباتى بشده … الفاصوليا – اللوبيا – البسله – الخضروات بانوعاها المسلوقه الله يكرمكم
: المكسرات الغنيه الدهون الجيده ……… الكاجو – السودانى – عين الجمل – الحمص – اللب الابيض بدون الملح
: الخضروات الورقيه مغسوله جيدا جدااااااااااااااااااااااااااااا الملوخيه – السبانخ – الخص – الكرنب المسلوق او فى السلطه بلاش المحشى والحوارات دى
المشروبات : القرفه هى الرئيسه لانها بتنقى الجسم من السموم يعنى بتساعد الكبد . الشاى الاخضر غنى عن التعريف
التوابل : كل التوابل كويسه وممنوع الشطه بس : وياسلام على القرفه على كل الاكلات مش بتبان فى الاكل , حبه البركه دواء من كل داء … انا بحطها على كل الاكلات ولا بتبان فى الاكل
الملح مش توابل طبعا ممنوع ممنوع ممنوع لان الملح بيغذى الخلايا التالفه والسكر كذلك
ان كان ولا بد يبقى خفيف خالص وملح يود لو سمحتم
التخفيف من : البروتين الحيوانى عموما لانه بيرهق الكبد …. احنا كنا ناكل بابا لحمه من هنا ينام فى السرير من هنا
المهم
التخفيف جداااااااااااا من اللحووووووووم الله يكرمكم وخصوصا الحمراء منها وخففى قوووووى من الكبده والحمام واى لحوم حمراء
لو كان لابد يبقى فرخ صغير بلدى ويادوب حته من السدر ويمضغ كويس جداااااااااااااا وبلاش منه احسن
لو اعتمد البروتين بتاعه من البروتين النباتى يبقى افضل
البروتين الحيوانى كمان زى اللبن والزبادى والجبنه والبيض
ياكل البياض وممنوع الصفار
يركز على العسل والبلح والفاكهه بانواعها طبعا والخضار الله عليه
الممنوعات : ممنوع نوهائى الكوكاكولا بانواعها والمسبك والمقلى والاكل الجاهز والكاراتيه والشيبسى
وكل العك ده ممونع نوهائى
شرب الميه كتيير وخصوصا على الريق ويا سلام لو يوصل للوزن المثالى يبقى كتير خيره
والجديد بقى انى عرفت ان نبات الجلاوين او الجعضيض بيساعد الكبد جدا على الشفاء وكمان يزيل السموم من الكبد
وده نبات فى الاراضى زى السريس بس ورقه مشنشر كده
هتلاقيه عند بتاعه الخضره
اتمنى اكون افدتكم وانا مش دكتوره يعنى مش كل المعلومات صحيحه الله اعلم
لكن والدى كان تعبان وكنت بتمنى اى معلومه من اى حد
ربنا سشفينا جميعا اسالكم الدعاء
en_swety en_swety فتكات رائعة Fatakat 424924 المنصوره – مصر