ازيكوا يا قمرات يا احلى فتوكات النهاردة عملت حاجه بسيطه كده على قدي فراخ مشويه وجمبها كوسة محشيه بالخلطه السريه
الفراخ المشويه:
نجيب الفرخه ونحطها في التتبيله الي هي بصلتين كبار +ملح وفلفل اسود وبهارات وزعتر وكاري+عصير ليمونه
واضرب يا باشا كله على بعضه في الخلاط
بعد ما نسيب الفرخه المسكينه في التتبيله لمده نص ساعه اوعى بأه اوعى ندخلها على الفرن الحاااار لغايه لما تستوي
وده شكلها بعد ما طلعت من الفرن
نيجي باه للكوسه والخلطه السريةه
نجيب الكوسه ونقشرها ونقورها
نييجي باه للخلطه عبارة عن لحمه مفرومه متعصجه بالبهار والفلفل الاسود والملح والبصل +ونضيف عليها فلفل رومي اخضر مع مكعبات طماطم مع زيتون اسود مقطع وده سر الخلطه ههههههههه
وده شكل الخلطه
هنحشي الكوسه بالخلطه ونرصها في صينيه ونحطها على البوتجاز على نار هاديه لغايه لما تنزل الميه بتاعتها وبعد كده ننقلها على الفرن ونسيبها لغايه لما تستوي ونحط على الوش ملعقه صلصه ونولع عليها الشواية عشان تحمر
ودي بعد ما طلعت من الفرن وكان في حشوة زياده حشيت بيهم كام طمطمايه على الماشي
شايفين الدخان الي طالع من طبق سخن مولع نااار
وعملت جمبهم رز ابيض وبطاطس محمرة
يارب تكون عجبتكم الوصفهواوعوا تنسوا التقييم هههههههه مواضيع هذا القسم برعاية
dodo sasa dodo sasa فتكات ست الكل Fatakat 154917 بيتي – مصر