السلام عليكم ورحمة الله وبركاته
فتوكاتى الحلوين انهارده جيبالكم طريقة الكوردون بلو بطريقه سهلة اوى ولذيذه جدا
المقادير
12 ك صدور بانيه
جبنه نستو او شيدر او رومى وممكن خليط بين اى نوعين منهم يمشى الحال برده
بصل للتتبيل وبهارات زى ما تحبى انا حطيت فلقل اسود وكسبرة ناشفه وزنجبيل ورشه زعتر وملح طبعا
دقيق وبيض وبقسمات عشان القلى
الطريقة
اول حاجه هتدقى قطع البانيه عشان تباه رقيقة وتتلف معاكى بسهوله وبرده تستوى كويس من جوه
هتبشرى البصلة بالناحيه الناعمة اوى فى المبشرة عشان ميبئاش فيه حتت فى التتبيله
تضيفى البهارات ع البصل والملح والفلفل وتبلى فيه قطع البانيه وتسبيها شويه فى التتبيله
هتجيبى كل قطعه وتفرديها وتحطى فيها الجبنه انا حطيت قطعة نستو مع شوية رومى مبشورة
هتلفى البانيه رول واتاكدى ان الجبنه مش طالعه من الجناب
بعد كدا هتحطى الرول فى الدقيق وبعدين تحطيه فى البيض وبعدين البقسمات
ولما تخلصى كل الكميه حطىها فى الفريزر نص ساعه او حتى ربع ساعه عشان تمسك كويس وطلعيها
واقلى فى زيت غزير وبالف هنا وشفا هتعجبوا ان شاء الله واسيبكوا باه مع الصور
مواضيع هذا القسم برعاية
أم شوشو وروكا أم شوشو وروكا 340559_9.gif فتكات هايلة Fatakat 340559 الاسكندرية – مصر
سبحان الله و بحمده