[color="DarkOrchid"]سلام عليكم يا قمرات
جايبالكم النهارده الاكله اللي حيرت اجيال ورا اجيال و هم بيدورو علي سر الخلطة
و دلوقتي جه وقت اننا نثبت و جودنا و نقول وداعا ديليفري كنتاكي سر بقا عندنا و ماحدش بقا قدنا
نخش في الموضوع علي طول و نبتدي بالريزو
المقادير
[list][*]بصلة متوسطة[*]معلقتين زيت عباد او درة[*]معلقة كبيرة سكر[*]معلقة ونص ملح[*]نص معلقة شطة[*]معلقة كبيرة كاتشاب[*]نص معلقة قرفة مطحونة او عودين قرفة[*]معلقة كاري
[
هتجيبي يا ستي البصلة و تبشريها ناعم و تحطيها ع النار مع معلقة السكر و الزيت
هتحطيها ع النار و تقلبي فيها لحد ما تغمق و لونها يكون بني بس مش محروق
خللي بالك يافتوكة السكر هيساعد ان البصلة تاخد لون بسرعة فانتي ماتسيبيهاش
هتكوني حاطة ع النار جنبك مية بتغلي عشان تسقي بيها الرز
لما البصلة هتكون وصلت للون دا هنحط عليها الرز و الكاتشاب و البهارات بتاعتنا كلها و نقلبه فيهم
و بعد كدا تسقيه عادي زي الرز الابيض و تخليه ياخد غلوتين و بعدين تحطيه علي نار واطية و شكله لما بيستوي بيكون تحففففة
و كدا الرز بتاعنا
الصوص بتاعنا بيكون عبارة عن صويا صوص و كاتشاب و بابريكا بتقلبيهم لحد ما توصلي للقوام اللي تحبيه انا بصراحة ماعملتوش–
نيجي بقا لسيد الموضوع و هو فراخ كنتاكي
قبل ما كتبلوكو المقادير يا بنات عايزة اقولكو ان سوا الفراخ بياخد بين ساعة و ساعة ونص يعني مايكونش جوزك ميت من الجوع يا فتوكة و تقوليلو هعملك كنتاكي او حتي تفكري تسويها لحسن يرجعك عند مامتك لاقدر الله
الوقت دا عشان السوا يطلع مظبوط و مافيهاش دم ولا اي حاجة
المقاديرفرخة صغيرة او متوسطة مقطعة 8 او 10 قطع كوب و نص لبن او لبن رايب او علبتين زبادي معلقتين ملح معلقة فلفل اسود معلقة شطة (اختياري) معلقة بابريكا معلقة توم بودرة او فص توم معلقة بصل بودرة بقدونس بودرة معلقة كاري معلقة بهارات فراخ حبهان مطحوندقيق بيكنج بودر
هتخلطي البهارات كلها مع بعض في طبق و هتاخدي منه عشان يكون اسهل
هتجيبي طبق غويط و هتحطي فيه اللبن او الزبادي و تاخدي معلقتين من بهاراتك تحطيهم فيه و بعد كدا الفراخ
هتدخليها التلاجة 3 ساعات و تكوني عاملة فتحات في الفراخ عشان الوصفة تتغلغل فيها
بعد ماتدخليها هتاخدي كبايتين دقيق و تحطي فيهم باقي البهارات و ميه ساقعة لحد ما القوام يبقي سائل بس تقيل اتقل سنة من الكريب
و هتدخليه هو كمان التلاجة
بعد التلت ساعات و قبل غداكي بساعتين هتخرجي الفراخ و خلطة الدقيق و قبل ما تشتغلي فيها هتملي طاسة من الغواط او حلة من العاليين زيت و تحطيها علي نار عالية
هتجيبي طبق غويط و تحطي فيه الدقيق مع البيكنج بودر (كيس كامل علي كوبايتين دقيق) و تحضري جنبك غطا مناسب للطاسة بتاعتك
هتاخدي الفراخ من اللبن تحطيها في خلطة الدقيق قد مايشيل الطبق
و بعدين واحدة واحدة في الدقيق اللي بالبيكنج بودر و تكون معاكي معلقة تحطي بيها الدقيق لان المفروض ما تمسكيش الفراخ غير من حته واحدة
بعد كدا هتاخدي القطعة اللي عملتيها و ع الزيت السخن عدل ما تخليهاش تستني و توطي النار خاااااااااااالص و تغطيها و لما تعملي اللي بعدها تشيلي الغطا و تحطيها و تغطيها بردو
انا صورتهالكو و هيا انا لسه حاطاها و و هي بتستوي
و هنا كانت استوت شوية زيادة
حاجة مهمة يا فتوكات ما تملوش الطاسة يعني انا الطاسة عندي كانت تشيل 6 او 7 بقيت احط 4 و لما اخرج واحدة اعمل واحدة تاني و احطها و دا عشان مايعجنوش
حاجة كمان ماتقلبوهاش اللا لما تكوني اتاكدتي انها استوت من تحت
بتاخد حوالي 10 او 12 دقيقة و دا علي حسب الفراخ نفسها و الميزة انها مش بتحمر من بره اللا اذا كانت فعلا مستوية من جوا :smiley–shiningsmile
قبل ما تخرجيها تكوني مجهزة مصفي جواها مناديل و تحتها طبق عشان الزيت يتصفي و نحافظ ع القرمشة و اول ما يتصفي تنقليها علي طبق التقديم
و تغيري المناديل لما تحسيها بقت مبلولة زيت
الفراخ لما كلها استوت بقا شكلها كدا
و دا للفتوكات اللي هيردو عليه و يدعولي ربنا يفك كربي و يباركلي في خطيبي و يتمم جوازنا علي خير و يكرمني في حياتي و يقيموني احلي تقييم
معلش ماكانش فيه وقت للتزويق عشان كنا خلاص موتنا من الجوع :
بحبكم في الله
/COLOR] مواضيع هذا القسم برعاية
احلي بنت في مصر احلي بنت في مصر images/bigsmilies/mood9.gif فتكات نشيطة Fatakat 612678 القاهرة – مصر