الكنتاكى على طريقه العضوه العسل جمال الروح

السلام عليكم ورحمه الله وبركاته
ازيكوا ياقمرات يارب تكونوا فى احسن حال
انا عملت كنتاكى وطلع جميل اوى زى بتاع بره ومش مكلف خالص وطبعا ده على طريقه العضوه القمر جمال الروح ربنا يسعدها ويفرح قلبها وينولها اللى فى بالها ويسترها ويرضى عنها ياااااااااارب وده لينك الموضوع
https://fatakat.univanet.com/#3590787
بس انا معملتهاش بالظبط زى ماهيه قالت بس طبعا فى الاول والاخر الفكره فكرتها
حقولكوا على الطريقه بقى:
غسلت الفرخه وقطعتها على 8اجزاء وحطيتها فى الحله وقطعت عليها بصلتين متوسطتين وحطيت ملح وفلفل اسمر وكسبره وعصرت 3ليمونات وقطعت قرنين فلفل اخضر وشويه خل وسيبتهم على النار لحد اما استوت وبعدين جبت طبق وبشرت فيه بصله على ليمونه على خل على ملح وفلفل وكسبره على بيضه وخلطهم مع بعض ولما الفراخ استوت وبردت حطيتها فى الخلطه دى شويه وجبت طبق فيه كيس فيجيتار على شويه دقيق على شويه صميت لان مش عندى دقيق شوفان فاستبدلته بالصميت وبعدين طلعت الفراخ وبططتها فى الخلطه دى وحمرتها فى الزيت والحمد لله طلعت تحففففففففه
وعملت معاها مكرونه بس زودت عليها حاجه جبت الحله اللى كنت شاويه فيها الفرخه كان فيها البصل والفلفل والتوابل اللى حطيتها وحطيت عليها صلصه وعملت المكرونه وطلعت جميله هيه كمان الحمد لله وعملت بطاطس محمره وسلطه خضراء بس كانت اكله جميله اوى ان شاء الله تجربوها وتعجبكوا وعايزه اشكر العضوه الجميله جمال الروح وربنا يكرمها ويوفقها يااااااارب وياريت متنسونسش من دعواتكم ولو شايفين الموضوع يستحق التقيم قيمونى ومعلش معرفتش انزل الصور …………….. استودعكم الله مواضيع هذا القسم برعاية

raah.hamo raah.hamo فتكات ست الكل Fatakat 650248 طنطا – مصر

سبحان الله و بحمده