حبايبى الحلوين الفتوكات الامامير
انا عملت كفته مشويه
وطاعت تحفه وخفيفه جدا قلت لازم اشاركم معايا فيها
المقادير
1– 1/2 كيلو لحمه مفرومه بيها شويه دهن(متخفيش لما تنشوى الدهن كله هينزل بس الدهن لما الكفته بتنشوى بيدى ريحه رائعه اللكفته
2- فلفل احمر مقطع مكعبات وده هيدى لون حلو (ممكن تحطى فلفل حار لو بتحبى)
3- بقدونس مفرى معاه فلفله خضراء ودى بتدى ريحه حلوه
4-بصله مفرومه ناعم
5- 23 ملاعق بقسماط ولو مش عندك حطى واحده وست او 1/2 فينو يكون منقوع فى الميه
6- انا بحط توابل الكفته الجاهزه بس بضيف فلفل اسود +قرفه
+رشه جنزبيل وده اختيارى لانى بحب ريحه القرفه والجنزبيل
الطريقه
انا بحط فى الكبه
البصل مع الفلفل مع البقسمات
وبعدين بضيفهم على اللحمه والبقدونس واحط الملح والتوابل
ونعجن لحد ما المكونات تتداخل
فى ناس بيحطو بيضه بس انا مش بحطها مش بلاقى ليها لازمه
الى عاوز يحطها اوكى
واسيبها تستريح شويه علشان التوابل تتغلل فى اللحمه
معلش نسيت اصور الخطوات
نصبع الكفته ونحطها على الشوايه
زى كده
حبيباتى دى شوايه بحط تحتها ميه والدهن كله بينزل فيها وكمان بخار الميه بيخلى الكفته طريه مش ناشفه
الى معندهاش
ممكن تحط الكفته على شبكه فوق صنيه ميه وتدخلها الفرن تحت الشوايه هتدى نفس الفكره
متنسوش تولعو فحمه كبيره وتطفوها فى الزيت وتكمروها مع الكفته فى حله اكيد انتو عارفين الطريقه(دى بتدى الكفته ريحه كفته الحاتى)
وده شكلها النهائى انا عملت جنبها شوربه ومكرونه فرن وسلطات
يا ريت محدش ينس التقيم
والى تدخل يا ريت تسيب دعوه ليا بظهر الغيب ان ربنا يرزقنى الذريه الصالحه
دمتم فى رعايه الله
مواضيع هذا القسم برعاية
حوريه النيل حوريه النيل 130494_27.gif ملكة فتكات Fatakat 130494 ام الدنيا – مصر