حبايبى الفتوكات وحشتونى موووووووووووووت
النهاردة عامللكم اكلة سهلة ولذيذة جدا اتمنى انها تعجبكم
وهى الكفتة والرز الاصفر
المقادير:
ربع كيلو لحم مفروم
بصلة صغيرة مبشورة
معلقة بقدونس مفروم
نصف معلقة كسبرة ناشفة
نصف معلقة بهارات لحمة
نصف معلقة فلفل اسود ملح
الطريقة :
نخلط المكونات على بعضها ويستحسن وضعها فى الثلاجة ربع ساعة وبعد كدة نصبعها
ولو عايزة تصبعيها وتحطيها فى اطباق فل وتغلفيها فى بلاستك لحين الاستعمال فى الفريزر
زى كدة وتبقى جاهزة عندك على طول
نرصها فى الصنية ونبشر عليها لية ضانى وانا لازم تبقى عندى علطول فى الفريزر
لو معندكيش نحط حتة سمنة وندخلها الفرن ومنحطش مية خالص لاننا
بنشويها هى هتنزل ميتها وتستوى فيها
وبعد ما تستوى نفتح عليها الشواية ونكون مجهزين فحمه على البوتجاز
لحد ما يبيض لونها ونحطها فى وسط الصنية وعليها نقطة زيت ونغطى بغطا
علشان تاخد ريحة الشواء
نيجى للرز الاصفر ودة سهل قوووووى
نحط معلقة سمنة بلى على شوية زيت وطماية مقطعة مربعات
والملح ونصف معلقة كركم وربع معلقة فلفل اسود
ونسيبها لحد ما تتسبك بالمنظر دة ونحط الرز عليها ونقلبها لحد ما الرز يسخن جدا
ونزود الماء وتكون ما بيغلى علشان ما يعجنش طبعا كوب الرز علية كوب ماء
وبعد كدة نسوية بالطريقة المعتادة
ودة الشكل النهائى روووووووووووووعة وطعمة خطير
واخيرا وليس اخرا بحبكم فى الله واتمنى ان الموضوع يكون عجبكم
ولا اطلب منكم سوى الدعاء لى ولبناتى بالستر فى الدنيا والاخرة
مواضيع هذا القسم برعاية
kokoxx91 kokoxx91 448136_3.gif فتكات ست الكل Fatakat 448136 القاهرة – مصر