بسم الله نبدا
1 – الكشك
المقادير
معلقتين كبار رز
كوبايتين شوربه ويفضل الدسمه
علبتين زبادى
معلقتين كبار دقيق
ملح وفلفل عند الحاجه لان الشوربه متبله
بصله كبيره مفرومه
توم مفروم
سمن
– الكفته
كان باقى عندى حته لحم مفرومه صغيره خالص متبله من باقى كفته كنت عملاها قبل كده
طبعا اانتى ممكن تستخدمى كميه اكبر وبمقادير الكفته المعتمده عندك
الطريقه
اول حاجه هنجيب الزبادى ونخلطه مع الدقيق ونحطه فمكان دافى
بعد كده هنحمر الكفته ف حته سمن ونشيلها
هنجيب حله ونحط فيها الشوربه اول ماتغلى هننزل بالرز يغلى اوطى لحد السوا اول مايستوى هحط خليك الزبادى واقلب بسرعه عشان مايكلكعش وبعد كده هنزل بكرات الكفته تاخد غلوه معاه لو احتاج شوربه ضيفى
اجيب الطاسه الى حمرت فيها الكفته وازود سمن على الى فيها واحمر البصله وقبل ماتتحمر بشويه اضيف سنه توم مفروم تتحمر اطفى وانزل بنص البصل ع الكشك واقلب والنص التانى اخليه لتزيين الوش
2 – الملوخيه
من كوبايه ونص لكوبايتين شوربه
نص كيلو ملوخيه
توم مفروم
كسبره ناشفه
سمن
معلقه سكر
الطريقه
هنحط الشوربه تغلى وبعد كده انزل بالملوخيه ومعاها سنه توم نى ومعلقه السكر اول ماالاقيها بتغلى من الجناب اطفى عليها مااسيبهاش تغلى خالص عشان هتسقط منك وهتغمق
ف طاسه هحط السمن مع التوم والكسبره واول مايحمر انزل ع الملوخيه ومااغطيهاش خالص عشان برده هتسقط وتسود
مواضيع هذا القسم برعاية
ساجدة غفران ساجدة غفران 257302_19.gif شيف فتكات Fatakat 257302 القاهره _ الحلميه الجديده – مصر