النهارده عملت كشري فى الغدا وقولت لازم حبايبى فى فتكات يشوفوا الكشريز بتاعى
الاول نزلت اشتريت عدس بجبه لانه الحاجه اللى كانت ناقصه عندي من المكونات طلعت نقيته كويس وغسلته ونقعته فى المايه حوالى ساعتين ودي صورته وهومنقوع
وبعدين جبت البصل وقشرته وغسلته وقطعته
حمرت البصل فى الزيت ساعات بدعكه بمعلق دقيق بس المره دي معملتش كده
سلقت العدس
وانا دايما بملح ميه السليق علشان العدس يبقى طعمه مظبوط واستنى لما المياه تغلى واحط العدس شايفين حلو ازاى
وبعد كده قولت بقى اعمل الصلصه بتاعت الكشري انا عندي طماطم متسبكه فى التلاجه طلعت على قد الصلصه وحطيت معلقه زيت وشويه شطه ناشفه ومعلقتين بصل من اللى حمرتهم فى الاول ونصف كوبايه مياه وملحت الصلصه ووطيت عليها النار وسبتها تتسبك براحتها
شوحت الرز بعد لما غسلته فى معلقتين زيت على النار وانا دايما بعمل رز الكشري بزيت مش سمن علشان يبقى منسجم مع باقى المكونات
وملحته وضيفت ليه المايه السخنه ولما بدأ يغلى وطيت عليه وسيبته يستوي معلش ما صورتش الصوره دي
سلقت المكرونه
ولو عاوزها ماتلزقش فى بعضها بعد السليق حطيلها معلقه زيت بعد لماتصفيها وقلبها كويس ده هيمنعها من التلزيق
كده كل حاجه جهزت وفاضل بس اغرف الكشري
وده لأول فتوكه تقييم الموضوع وتدعيلى دعوه 
حلوه
مواضيع هذا القسم برعاية
سنه الحبيب سنه الحبيب images/avatars/illuminated.gif سوبر فتكات Fatakat 264678 مع زوجى – مصر