النهاردة عملت كشرى مصرى
بصراحة دى تانى مرة اعمله
يعنى ماعملتهوش غير مرتين وبطريقتين مختلفتين والاتنين احلى من بعض
بدون رغى كتير
ندخل ع المفيد
اول حاجة جهزت الصلصة
تقدحى معلقتين زيت وتحمرى فيهم فصين توم مفروم وتضيفى الطماطم وتسيبيها تتسبك وتضيفى كمون ومله وشطة
(التوم والشطة اختيارى)
تجيبى بصلتين وتقطعيهم ترنشات رفيعة
وتعفريها بالدقيق
وتحمريها بزيت غزير(وتركنى الزيت هتاحتيه )
وكدة جهزنا البصل والصلصة
اما الدقة
فصين توم وعصير ليمونة وكمون وملح وشطة
وكوب ماء وربع كوب خل وتضربيهم فى الخلاط
وتحطيهم فى اى قزازة عندك وتخرمى غطاها بالشكل ده
تسوى الرز والعدس
انا باعمل كوب رز مع كوب عدس اصفر
وكوبايتين مية ومعلقة ملح ومعلقة كمون
ولما يتشربوا تقدحى (الزيت اللى اتبقة من تحمير البصل)
الشعرية تحمريها بزيت وتسويها بقليل من الماء(مش بتاخد مية كتير)
وتسلقى كوب مكرونة زور
على فكرة انا ماعملتش عدس بجبة لان عيالى مش بيحبوه وعملت بداله عدس اصفر
وبكدة تكونى خلصتى الكشرى
تغرفى اول طبقة رز وعدس
وتحطى المكرونة المسلوقة فى الاطراف كدة
وفى النص الشعرية
وكمان طبقة رز وعدس
واخر حاجة البصل
والصلصة على المكرونة المسلوقة
استنوا لسة فى
الطريقة التانية اسهل شوية
تابعووونى مواضيع هذا القسم برعاية
ام يوسف واحلى بنات ام يوسف واحلى بنات 429970_11.gif مشرفة الموقع Fatakat 429970 بيتنا الجميل – مصر