السلام عليكم ورحمة الله وبركاتة
ازيكم يافتوكات وحشتوني اوووووي
محلش اتاخرت عليكم اصل الاب توب كان بعافية شوية ولسة جاية النهردا الحمد لله
فقلت انزل بقي الاكلات الحلوة اللي عملتها للشيف الرائع محمد حامد
وهي الكبسة السعودي
طبعا اللي متابع البرنامج سمع الهيصة اللي حصلت بسبب الكبسة دة
وان ناس من السعودية اتصلت وقالت الكبسة مش بتتعمل كدة
والشيف اصلا قبل ما يعملها قال انة بيمصر الاكلة يعني بيسهلها علينا
انا جربتها مرتين اول مرة عملتها باللحمة والنهردا جربتها بالفراخ
والاتنين طلعوا رووووووووعة وعجبوا جوزي جدا الحمد لله
ندخل بقي علي المقادير
لو هتعمليها كبسة لحمة
(2لتر ماء- بصل -كرات -كرفس-حبهان -2ورق لوري-1/2 كيلو لحم مكعبات )
وطبعا عشان اللحمة بتاخد سوا هنسلقها في الخليط السابق
اما لو هنعملها كبسة فراخ
(2صدر فراخ مقطع مكعبات -زعتر -معلقتين زيت -معلقة صويا صوص )
هنضع الزيت حتي يسخن ثم نعمل صدمة للفراخ ونضع عليها الزعتر ومعلقة الصويا صوص
بعد ما تاخد لون هنطفي عليها ونتركها جانبا
باقي المقادير بقي سواء هنعمل كبسة فراخ او لحمة
3معالق سمن -فصين مستكة -ليمون ناشف -2قرنفل -2حبهان -2بصلة مفرومة -ا فلفل حار -افلفل احمر -1/2كيلو ارز بسمتي -كوب عصير طماطم-2معلقة صلصة طماطم-2معلقة بهارات كبسة -2عود قرفة خشب
نضع السمن في نفس الحلة اللي شوحنا فيها الفراخ ونضع ورق الوري +المستكة+الحبهان+القرنفل +القرفة الخشب+الليمون الدراي
ثم ننزل بالبصل ونشوح كويس مع التوابل
ثم انزل بالارز واشوحة
ثم اضع الفلفل الحامي والالوان
ثم ننزل بالصلة وعصير الطماطم +شوربة فراخ او لحمة حسب نوع الكبسة
ونرجع الفراخ او اللحمة للخليط دة ونقلب تقليبتين ونضع شوية ملح وفلفل ونسيب الكبسة تتشرب
ودة الصور
بس للاسف انا مصورتش كل الصور لان كان جوزي مستعجل اووووي
يارب تجربوها وان شاء الله هتعجبكم
وتيجوا تفرحوني
بس انا عايزة اطلب منكم طلب
لو دخلتم الموضوع متخرجوش الا تدعولي ربنا يرزقني باخ ليوسف
حتي لو مش عايزة تكتبي رد او تقيمم
انا عايزة دعوة بظهر الغيب وبس
وربنا يحقق لكم كل ما تتمنوة باذن الله
والسلام عليكم ورحمة الله وبركاته
منقول للامانة مواضيع هذا القسم برعاية
الوردة الحمرا 2 الوردة الحمرا 2 691392_1.gif فتكات هايلة Fatakat 691392 القاهرة – مصر