فتوكاتي القمرات
اهلا بكم في
dr.yama’s japanese cuisine
كنت قدمت لكم عدد من الوصفات و الحمد لله حازت اعجابكم
ودي اللينكات بتاعتها
هوسوماكي سوشي من مطبخ dr.yama المصري الياباني
الحلوى اليابانية دايجاكو ايمو من مطبخ dr.yama الياباني المصري
ياكي اونيجري أو كرات الارز اليابانية من مطبخ dr.yama الياباني المصري
Hakusai roro-ni من مطبخ dr.yama الياباني المصري
omurice من مطبخ dr.yama الياباني المصري
تشيكن ترياكي ckicken terriaki من مطبخ dr.yama الياباني المصري
الحلوى اليابانية Ichigo Daifuku من مطبخ dr.yama الياباني المصري
و النهاردة ان شاء الله هقدملكم وصفة جديدة من المطبخ الياباني
طبق النهاردة هو الطبق الشعبي في اليابان و في دول اسيا عموما بس كل بلد ليها لمسات معينة في الطبق حسب التذوق المعتادين عليه
وهو ما يعادل طبق الكشري عندنا بس طبعا المكونات غير
الطبق هو الكاري الياباني
وفي منه نوعين
نوع بالصوص و نوع تاني من غير صوص اسمه dry curry
انا بحب اعمل النوع التاني علشان بفضل طعمه و كمان سريع و بيتعمل ببواقي الاكل اللي عندك
و دلوقتي نبدأ
المقادير
2 بصلة مقطعة + 3 فصوص ثوم مقطعة
بطاطس و جزر مقطعين
اي بواقي لحمة او فراخ او حتى سمك عندك
صوص صويا و بودرة كاري
وكمان ربع قرن فلفل احمر مقطع بس انا مبحطهوش علشان مبحبش الشطة
الطريقة بقى
هنحط البصل و الثوم و الفلفل الاحمر لو عايزة تضيفيه في الحلة مع ملعقتين زيت و نشوحهم دقيقتين
وبعدين نضيف البطاطس و الجزر مع استمرار التشويح
وبعدين نضيف اللحمة و صوص الصويا و بودرة الكاري
و ملعقتين ماء
و التكة الياباني بقى هي ملعقة عسل ابيض
و يترك على النار حتى يتشرب تماما
وفي اضافة تانية هي نصف تفاحة مبشورة انا ساعات بعملها بس ممكن طعمها ميبقاش مقبول لينا كمصريين علشان هتبقى مسكرة شوية
وبعدين بيخلط بالارز او يغرف معاه في نفس الطبق
اما الكاري بالصوص فبياخد ساعتين تقريبا وبيتعمل بنفس المقادير بس الفرق ان اللحمة او الفراخ بتبقى مش مستوية و بتتحط تتسوى مع باقي مكونات الكاري و الخضار بيبقى مقطعه قطع كبيرة علشان ميتهريش من كتر التسوية وبيبقى ليه صوص
وده الشكل النهائي له
وكمان ممكن يتعمل نباتي من غير اي اضافات لحوم و بيبقى جميل جدا و أنا بفضله كده علشان مياخدش وقت على النار
و الطبق ده لأول فتوكة هترد على الموضوع
يلا مين هتجربه بقى علطول؟
في انتظار آرائكم
مواضيع هذا القسم برعاية
dr.yama dr.yama 46_6.gif مشرفة الموقع Fatakat 46 i wish to live in utopia – my world