الكاري الياباني

الكمية تكفي:5 أشخاصالمقادير:2 بصلة مقطعة + 3 فصوص ثوم مقطعة
بطاطس و جزر مقطعين
اي بواقي لحمة او فراخ او حتى سمك عندك
صوص صويا و بودرة كاري
وكمان ربع قرن فلفل احمر مقطع بس انا مبحطهوش علشان مبحبش الشطة الطبخ: هنحط البصل و الثوم و الفلفل الاحمر لو عايزة تضيفيه في الحلة مع ملعقتين زيت و نشوحهم دقيقتين
وبعدين نضيف البطاطس و الجزر مع استمرار التشويح
وبعدين نضيف اللحمة و صوص الصويا و بودرة الكاري
و ملعقتين ماء
و التكة الياباني بقى هي ملعقة عسل ابيض
و يترك على النار حتى يتشرب تماما
وفي اضافة تانية هي نصف تفاحة مبشورة انا ساعات بعملها بس ممكن طعمها ميبقاش مقبول لينا كمصريين علشان هتبقى مسكرة شوية
و هيبقى بالشكل ده
وبعدين بيخلط بالارز او يغرف معاه في نفس الطبق
اما الكاري بالصوص فبياخد ساعتين تقريبا وبيتعمل بنفس المقادير بس الفرق ان اللحمة او الفراخ بتبقى مش مستوية و بتتحط تتسوى مع باقي مكونات الكاري و الخضار بيبقى مقطعه قطع كبيرة علشان ميتهريش من كتر التسوية وبيبقى ليه صوص
وده الشكل النهائي له
وكمان ممكن يتعمل نباتي من غير اي اضافات لحوم و بيبقى جميل جدا و أنا بفضله كده علشان مياخدش وقت على النار
و الطبق ده لأول فتوكة هترد على الموضوع
يلا مين هتجربه بقى علطول؟
في انتظار آرائكم

مواضيع هذا القسم برعاية

rozareta rozareta images/flowersavatars/avatar0011.jpg فتكات هايلة Fatakat 1091032 ☺CITY ☺F DREAMS☺ – ♥♥Fantasy world ♥♥

سبحان الله و بحمده