الكاتشب على طريقة الشيف يسرى جناااااااااااااان

السلام عليكم و رحمة الله و بركاته

ازيكم يا فتوكات

النهارده انا جايبلكم طريقة عمل الكاتشب

مش عاوزه اقولكم انا و جوزى بنحب الكاتشب ازاى و بنستهلك منه كميات ضخمة

بقى خراب بيوت و لا البامبرز

لحد ما واحدة اتصلت و سالت الشيف يسرى و قالها على الطريقة

قولت اما اجرب و طلعت جميلة جدا و ناجحة الحمد لله

نبدا بسم الله المقادير

3 كيلو طماطم

3 / 4 كوب سكر

3 / 4 كوب خل

فلفل ابيض

ملح

توم بودرة ( مش اساسي فى الوصفة )

الطريقة :هنغسل الطماطم طبعا كويس و نبتدى نوضبها و ده باننا هنشيل كل اللب اللى جواها و نحتفظ الجزء الناشف بس هنحط حلة فيها ميه و نسبيها على النار لحد ما تغلى و بعدين نحط الطماطم و نسيبها لحد ما القشرة تبتدى تنفصل و يبقى ممكن اننا نقشرها بسهولة ننشل الطماطم من الميه المغليه و نبردها بميه ساقعه و نستنى لحد ما تبرد علشان نعرف نشتغل بيها و نبتدى نقشر بروقان بقى و نحط اللى يطلع فى الخلاط لحد ما نخلص و بعدين نضربهم كويس نحط العصير فى حلة على النار لحد ما الحجم بتاع الطماطم يوصل لربع الكمية تقريبا او ننشفها على قد ما نقدر على نار هادية جدا و كل ما نشفنا زيادة كل ما كان احسن نضيف الخل و السكر و الفلفل الابيض و نضيف الملح و ندوق لحد ما الطعم يتظبط و بعدين نضيف التوم البودرة علشان يدى طعم و نعبي و بالهنا و الشفا

ملاحظات الفلفل الابيض لا يمكن استبداله بالفلفل الاسود هيدى طعم تانى انا كنت ضفت بصل بودرة بس ادى طعم معجبنيش الصراحة فبراحتكم الكمية دى هتديكم ما يعادل 3 زجاجات كاتشب من الحجم الكبير لو عاوزين نعمل كمية اقل انا عملت كيلو واحد طمطام و ادانى زجاجة كاتشب حجم كبير و ده افضل علشان ما يبوظش لان مفيش مادة حافظة لب الطماطم اوعى حد يرميه اضربيه و صفيه و يبقى عندك عصير طماطم حطيه فى الفريزر و استخدميه بعدين ارجو الدعاء بان يحقق لى ربي ما اتمنى

مواضيع هذا القسم برعاية

meemoo w bs meemoo w bs 409956_1.gif فتكات متميزة Fatakat 409956 المنصورة – مصر

سبحان الله و بحمده